sexta-feira, 22 de fevereiro de 2013

“Xanana Ameasa Espulsa Profesor La Gosta Lian Materna”

.

Jornal Independente - Sesta-feira, 22 Fevereiru 2013 

Primeiru Ministru Kay Rala xanana Gusmao ameasa sei espulsa professor sira ne’ebe kontra programa governu atu implementa lian Materna iha eskola hotu iha Timor Leste. 

Tuir Xanana, sidikatu professor no professor sira ne’ebe maka kontra implementasaun lian maternal diak liu sai. Xanana informa kestaun ne’e ho lian maka’as bainhira selebra loron mundial lian inan hamutuk ho Ministeriu Edukasaun ho UNESCO no Profesor sira husi Distritu manatutu, Lautem no Oecuse no ONG Belun iha salaun Delta Nova Comoro, Dili, Kinta (21/2). 

“Hau foin kompriende tamba saida mak sindikatu profesores dehan lian inan ne’e tendisouzo oituan, tanba kontrariu ho Portugues, se mestre sira no sindikatu professor sira la konkorda ho programa governu nian sai tiha forma partidu politiku halo programa, tanba dala barak ita koalia rekursu umanu populasaun millaun 1 ne’e barak sai atu sai S1, S2, no S3 ne’e lae, sai fali stress,” dehan Xanana. 

Nia husu atu professor sira hotu-hotu iha Timor Leste tenki hapa’ar ho programa saida de’it maka governu implementa liu husi aprovasaun Parlamentu Nasional. Nia dehan, professor ne’ebe hanoin katak lian inana ladiak no la serve implementa no tau fahe unidade nasional Timoroan nian ne’e hanoin lojika no hanoin kloot liu atu lori fali edukasaun ne’ebe modernu la’o ba kotuk. Xanana dehan, se labarik sira sai husi uma, inan-aman sira koalia mambae ba sira no ba eskola aprende lian inan ne’e diak liu tan. 

“Balun dehan, haraun unidade nasional, waoo my good, my good, ema sira ne’e foin tuun husi fulan, tanba iha tinan 24 ita hotu halo funu no ita nia unidade nasional wao….wao…. ne’e sala ona,” dehan xanana. 

Xefe governu ne’e hatutan, nia uluk remata eskola SMA deit iha tempu portugues, maibe nia buka aprende estuda ho kakutak, tanba ne’e nuudar xefe governu, nia defenede maka’as liu lia inan. 

“Hau defende lian inan nuudar ita nia riku soin no kultura Timor nian,” katak Xanana.
.

Sem comentários:

Publicar um comentário

Nota: só um membro deste blogue pode publicar um comentário.