sexta-feira, 22 de março de 2013

Ana Pessoa: “Ema Riku Aproveita Media”

.

Jornal Timor Post-Sesta-Feira, 22 Marsu 2013 

Prokurador Jeral Republika (PJR), Dra. Ana Pessoa Pinto hateten, ema riku barak mak aproveita tebes hodi ofende ema seluk nia privasidade, tanba tuir nia, media nuudar industria ne’ebe boot tebe-tebes. 

Ana Pessoa dehan, situasaun ne’e akontese iha mundu, liu-liu iha nasaun ne’ebe lei la forte, no laiha lei komunikasaun social, tanba ne’e, nia husu atu jornalista sira iha Timor tenki hala’o deit kna’ar tuir lei. 

“Ema riku sira aproveita tebes oportunidade ne’e,” Ana afirma kestaun ne’e iha nia intervsnaun iha seminariu internasional ba loron daruak, kinta (21/3), iha Otel Timor, Dili. Iha serimonia ne’e, Ana koalia liu kona ba konstituisaun artigu 285, kona ba artigu ne’e, Ana esplika katak, denunsia kalunioza la temi jornalista sira, tanba artigu ne’e esplika ba sidadaun hotu ne’ebe jornalista sira mos nuudar sidadaun ida ne’ebe wainhira komete denunsia kalunioza, tenki kumpri ho responsablidade. 

 Nia haktuir, Jornalista sira tenki halao nia kna’ar tuir interese publiku, tanba ne’e tenki kuidadu ho ema nia privasidade, nune’e, Ana rekonese esbosu lei komunikasaun social importante tebes atu hetan aprovasaun lalais iha Timor Leste, nune’e, bele regula atividade jornalista. 

 Relasiona ho artidu 285, iha oportunidade ne’e, Virgilio Guterres nuudar membru Asosiasaun Jornalista Timor Leste (AJTL) husu ba Ana Pessoa, kona ba kazu jornalista hasoru prokurador, ne’ebe Tribunal absolve tiha husi kazu krime, maibe tenki selu indiminizasaun, enkauntu laiha prova husi juiz sira mos la aprova katak, lezado sofre moras ka la halo atividade normal, kontrariu fali iha realdiade lezadu (prokurador) ne’e promovidu tan. 

Hatan ba kesatun ne’e, Ana Pessoa dehan, iha ema balun hatama kexia, laos tenki hetan kedas desizaun husi Tribunal, wainhira sidadaun ida kuandu hetan direitu violadu tenki hato’o keixa ba prokurador, sidadaun hotu tenki aprezenta keixa, se lae oinsa mak bele hetan justisa. 

Ana dehan, Jornalista sira mos tenki iha indiminizasaun tanba ema hotu iha direitu ba naran diak, tanba kona-ba kazu ne’e, nia rasik fo kedas xamada ba prokurador ka lezadu ne’e. 

 “Tribunal absolve, tanba la konsege hetan prosesu ne’e krimi,lezadu hetan duni xamada, tanba laiha intensaun atu prejudika maka absolve, maibe iha responsablidade sivil, tuir loloos Jornalista tenki buka lia loos, depois mak buka fali prokurador, tanba notisia ne’e publika tiha ona,” Sublinha Ana Pessoa.

 Nia dehan tan katak, konkorda ka la konkorda ne’e desizaun Tribunal maibe bele halo rekursu. 
.

Sem comentários:

Publicar um comentário

Nota: só um membro deste blogue pode publicar um comentário.