sexta-feira, 15 de março de 2013

Deputadu CNRT Arao Noe “Longuinhos Bele Asume Tan Kargu Tinan Ida”

.

Jornal Timor Post - Sesta-Feira, 15 Marsu 2013 

Deputadu Arao Noe husi Bancada CNRT hateten, atu nomea kargu komandante PNTL foun kompetensia Primeiru Ministru ninia haree, ema ne’ebe iha integridade atu assume kargu komandante CPLP. 

Relasiona ho informasaun katak, actual komandante Longuinhos atu assume tan kargu tinan ida tan tanba asume hela Prezidenti Polisia CPLP, tuir Arao katak, ne’e razoavel tanba Primeiru Ministru hakarak hadia diak liu tan instituisaun PNTL ba oin. 

“Iha razaun barak Longuinhos bele assume tan kargu tinan ida, tanba agora Timor-Leste mak lidera hela Prezidenti Polisia CPLP,” Arao ba Jornalista sira iha PN (14/3). 

Tuir nia, razaun ida mak kuanduema foun mak assume ladun konese realidade ne’ebe durante ne’e hala’o on abele fo impaktu ba Prezidensia Polisia CPLP ne’ebe TL lidera hela. 

Opiniaun hanesan, Segundu Vice Prezidenti PN Aderito Hugo hateten, hili kargu komandante PNTL atu troka actual Komisariu Longuinhos ne’ebe ninia kargu remata, ne’e kompetensia xefe governu nia atu hili ema ne’ebe iha preferensia diak. 

Maibe, nia dehan, ba era ida agora ne’e tempo ona kareira professional mak bele assume kargu komandante PNTL foun, tanba iha ema laran balun mos iha ona esperensia ou kapasidade atu servi estadu ninia interese tuir lei no orden. 

Nia hatutan tan, masek oras ne’e Nasoens Unidas sai ona husi TL maibe ita ninia paz no estabilidade komesa lao diak ona, ho nune’e ema husi kareira professional bele assume komandante PNTL foun ba mandatu tuir mai.
.

Sem comentários:

Publicar um comentário

Nota: só um membro deste blogue pode publicar um comentário.