quarta-feira, 27 de março de 2013

Deputadu La Simu Kupon Mina “Deputadu Ameasa Greve”

.

Jornal Timor Post - Kuarta-Feira, 27 Marsu 2013 

Membru Parlamentu Nasional (PN) ameasa halo greve servisu tanba hahu Janeiru to’o marsu sira seidauk hetan kupon mina kareta nian para fasilita sira nia fiskalizasaun ba Distritu. 

“Hahu Janeiru to’o agora ita seidauk simu kupon mina kareta nian ne’e halo nusa, se hanesan ne’e beibeik semana agora hau la tama plenaria,” Lamenta deputadu Manuel Gaspar husi Bancada FRETILIN, wainhira levanta problema ne’e iha plenaria Parlamentu Nasional (PN), Tersa (26/3). 

 Mina ne’ebe fasilita ba membru PN atu hala’o kna’ara fiskalizasaun iha baze, tanba ne’e husi parte sekretariu Parlamentu tenki tau importante ba kestaun ne’e para labele iha failansu. 

Nune’e mos Deputadua Natalino dos santos hateten, relasiona ho Primeiru Ministru nia planu atu halo konsulta ba programa dezenvolvimentu sukus ba iha Distritu 13, iha Abril, nia husu atu prepara kupon mina ba kareta deputadu sira par abele akompania xefi governu ba Distritu atu nune’e sir abele rona no haree diretu saida mak governu hatoo ba povu sira. 

“Hau hanoin sekretariu asuntu parlamentar tenki haree oinsa mak bele fasilita mina ba kareta deputadu sira par abele halo fiskalizasaun akompania Primeiru Ministru hodi halo konsulta ba programa Governu ba desentralizasaun ne’ebe importante tebes ba distritu sira,” dehan natalino. 

Hata’an ba kestaun ne’e, Primeiru Vice Parlwmentu Nasional, Adriano do nascimento esplika katak, kupon ba kareta deputadu sira atu halo fiskalizasaun sei foti iha sekretariu Parlamentu nian. 

 “Kupon atu halo fiskalizasaun sei foti iha sekretariu Parlamentar nia, sei tama iha deputadu ida-idak nia konta,” dehan deputadu Adriano. 

Fornesementu mina ba kareta Deputadu sira ne’e, tuir Adriano katak sei haree kareta ninia kilometrazen, kada Distritu Bobonaro Vila iha 120 KM presiza kupon hira, no ba sub Distritu ne’e mai husi kada komisaun nian tanba distansia dook la hanesan.
.

Sem comentários:

Publicar um comentário

Nota: só um membro deste blogue pode publicar um comentário.