segunda-feira, 25 de março de 2013

Dr. Mari Alkatiri: “Profesionais Instituisaun Estadu Tenki Iha Kbi’it”

.

Jornal Nacional Diario - Segunda-feira, 25 Marsu 2013 

Eis Primeiru Ministru (PM) Dr. Mari Alkatiri deklara profesionais (media officer, assessor-red) ne’ebe servisu iha instituisaun estadu tenki iha kbiit hodi hametin lina instituisaun Estadu laos atu fo deit no halo informasaun no fo informasaun ba jornalista sira. 

“Lae, Komprimisiu ho Ministeriu ida ne’e, iha ninia vida institusional rasik e asesor tenki ajuda atu hametin lina instituisaun iha Ministeriu ida ne’e, ne’e laos ba jornalista deit,” Dr. Mari Alkatiri deklara asuntu ne’e sabadu (23/3) iha Salaun Ministeriu negosiu estranjeiru (MNE) wainhira ensera seminariu kona ba komunikasaun ho tma “Interasaun Ho Media Sira”. 

Iha ensera seminariu ba loron ida ne’e sir PM, Dr. Mari Alkatiri koalia ho tema “Importansia husi Profisionalizasaun Servisu Estadu Nian sira iha Estabilidade Nasional”. 

Hateten eis PM ne’e katak, hanesan asesor tenki hatene ninia funsaun lolos hodi labele kahor servisu no iha kbiit atu bele lori instituisaun ba oin. “ne’e mak hatene, kuandu ita assume funsaun ita tenki sai professional ba funsaun ne’ebe ita assume, maibe ita tenki brani atu assume ida ne’e,” Alkatiri koalia. 

Nia hateten, estadu de dereitu demokratiku sentidu demokrasia katak, laiha ema ida previleizu, ema hotu hanesan iha lei nia okos, pronto simu responsablidade no pronto simu responsablizasaun. 

 “Iha demokrasia laiha klases previliziadas jornalista ka asesor juridiku, hotu-hotu tenki iha lei nia okos, hotu-hotu tenki hatene katak, nia tenki halao nia servisu ho professionalismu, ho sentidu responsablidade I pronto para simu responsablizasaun, por que dala barak ita hanoin katak, tanba ita nia funsaun social politika, funsaun ne’e hanesan ita mak sai vizilansia total lideransa permanente entaun ital abele atu iha responsablidade ho sentidu responsablidade,” afirma nia. 

Alkatiri mos iha oakziaun ne’e rekonese, paz no estabildiade Timor leste (TL) hahu mosu la hanesan tinan 7 kotuk liu ba, ne’ebe mosu instabilidade rai laran, maibe oras ne’e iha paz no estabildiade, tanb apovu tomak ninia kontribuisaun. 

“Situasaun muda tanba saida? tanba ita ida-idak aprende atu fo kontribuisaun ba ita nia rai ne’e atu hametin paz no estabilidade, ita ida-idak kompriende katak, rai ne’e atu lao ba oin tenki iha estabildiade, ita tenki hatene saida mka ita tenki halo, halao saida mak ita nia kompetensia no iha kapasidade saida mka iha teknik ita tenki halo, sei ita laiha ita buka, kuandu ita laiha mak ita la buka, entaun ida hanoin dehan ita hatene ona entaun ita la fo kon tribuisaun,” Alkatiri hatutan.
.

Sem comentários:

Publicar um comentário

Nota: só um membro deste blogue pode publicar um comentário.