sexta-feira, 22 de março de 2013

“Eis Ministru Gil No Henrique Livre”

.

Jornal Independente - Sesta-Feira, 22 Marsu 2013 

Tribunal Distrital Dili, Kinta (21/3) liu husi leitura akordaun desidi absolve Gil da Costa Alves no Henrique Alves husi krime burla agravadu no krime pekulatu, tanba provas ne’ebe Ministeriu publiku akuza la priense rekijitus atu kondena arguido nain rua. 

Juiz Prezidenti koletivu Jose Maria de Araujo liu husi leitura akordaun hateten, razaun Tribunal absolve arguidu husi akuzasaun Ministeriu Publiku tanba laiha prezuizu material katak arguidu nain nia hahalok hamosu Prezuizu ba partidu ASDT nian. 

Alende ne’e, akordaun Tribunal rekursu iha loron 4 fulan Janeiru 2012 tranzitu enjulgadu ona katak, iha data ne’ebe mensiona arguido nain rua sei nafatin assume responsablidade hanesan presidenti interino no Sekretariadu Tezoru iha Partidu ASDT nia laran. 

Nune’e mos Tribunal haree katak, laiha provas katak, arguidu sira uza osan ASDT nian ho montante U$195 mil ba interese privadu. Tanba maioria testamunha husi parte defeza rekonese simu duni osan hodi uza ba aktividade partidu nian, altura ne’eba arguidu nain rua sei assume knar hanesan Sekretariu Geral no Sekretariu tezoru ASDT nian. 

 “Ami desidi absolve arguidu nain rua husi akuzasaun Ministeriu Publiku haree husi aspeitu oioin, liu-liu haree dokumentus ne’ebe junta iha akuzasaun Ministeriu Publiku, deklarasaun arguidu, deklarasaun sasin ne’ebe aprejenta husi MP no defeza, hatudu hahalok arguidu nain rua la produs presaun ba partidu ASDT. 

Iha fatin hanesan, Eis MTCI Gil Alves ne’e hateten nia parte agradese ba seitor justica, tanba juiz prokuradoria halao sira nia serviso diak, hodi kee didiak asuntu refere to’o nia abut hodi hatene lolos problema ne’ebe akontese iha Partidu ASDT. 

Entertantu, Ministeriu Publiku akuza eis MTCI Gil da Costa Alves ho Henrique Alves ho krime burla (pengelapan-red), tanba deskonfia uza osan partido Asosiasaun Demokratiku Timor Leste (ASDT) ho montante U$195.000,00 ba interese privadu. 
.

Sem comentários:

Publicar um comentário

Nota: só um membro deste blogue pode publicar um comentário.