sexta-feira, 15 de março de 2013

“Francisco Borlaco Prontu Hatan Iha Tribunal”

.

Jornal Nacional Diario - Sesta-Feira, 15 Marsu 2013 

Sekretariu Estadu Fortalesementu Institusional, Francisco da Costa Borlaco hateten, kazu ne’ebe Ministeriu Publiku akuza nia komete abuzu poder no fraudia fiskal, pronto ba hatan iha Tribunal. 

Borlaco esplika lia hirak ne’e ba JNDiario kinta (14/3) iha Centro Convensoens Dili (CCD), bainhira responde ba akuzasaun ne’ebe mak Ministeriu Publico halo hasoru nia iha IV Governu konstitusional bainhira sei assume kargu nudar Direktor Jeral Ministerio Financas. 

“Ita kualker sidadaun ne’ebe Timor Leste tenki rspeita Tribunal ne’e fatin lia los nian, hau respeita Tribunal nu’udar instituisaun Estadu no hau tenki lao ba iha ne’eba (Tribunal),”Responde Borlaco. 

Kazu abuzu poder ne’ebe komete husi Francisco Bolaco ne’e, tama ona iha Tribunal Distrital Dili, desde loron, 24 fulan janeiru tinan 2013, ho numero prosesu NUC 2488/PDD. 

 “Hau hein deit bainhira mak Tribunal bolu hau ba, ita tenki hatan, hatan tanba sa? Tanba Tribunal mak lia los,” dehan Borlaco. 

Nudar Timor oan ne’ebe mak kaer ukun, Francisco Borlaco, dehan risku mak ne’e duni.
.

Sem comentários:

Publicar um comentário

Nota: só um membro deste blogue pode publicar um comentário.