sexta-feira, 22 de março de 2013

“Governu Anterior MS Iha Dividas Barak”

.

Jornal Nacional Diario - Sesta-Feira, 22 Marsu 2013 

Iha Mandatu IV Governu Konstitusional nian, Ministeriu Saude (MS) sai nu’udar Ministeriu ida ne’ebe mak moris ho dividas barak liu hodi halo mo’e boot ba Primeiru Ministru (PM) Kay Rala Xanana Gusmao. 

Atu labele akontese tan failansu sira iha MS nia laran, Sekretariu Estadu Fortalesementu Institusional (SEFI), Francis Borlaco, tatoli ba directores ho xefi departementu nasional, regional no distritais sira iha Ministeriu Saude atu servisu ho seriu, hadi’as jestaun ho halo renovasaun ba planu servisu nian. 

“Hau hatudu liman ba ema ida, maibe hau husu atu MS hadia nia jestaun, tanba esprensia iha IV Governu Konstitusional (AMP), MS iha dividas barak hodi hamoe PM Xanana,” afirma Francisco Borlaco wainhira entrega dokumentus padraun Boa Governasaun ho relatoriu DELOITE nian ba MS iha salaun konferensia MS, Caicoli, Dili, Kinta (21/3).

Francisco Borlaco esplika katak, SEFI mosu atu ajuda governu Timor Leste hodi hakbi’it instituisaun estadu sira ho hari’i, monitoriza no hadia sitema ho nune’e sira bele iha transparansia no akuntabilidade ne’ebe forte no iha kapasidade atu servisu nasaun ida ne’e ho efikasia no efisiensia. 

Iha IV Governu Konstitusional hamosu SEFI tanba esprensia durante Governasaun IV Governu konstitusional nian hasoru dezafiu oi-oin ne’ebe iha no mal administrasaun barak iha administrasaun publiku. 

 Nia mos dehan, iha IV Governu Konstitusional, ema barak hakilar liu-liu sosiedade sivil ho Parlamentu Nasional sira, tanba Ministeriu balun laiha planu ne’ebe diak hodi jere jetsaun no ezekuta Orsamentu Jeral Estadu.
.

Sem comentários:

Publicar um comentário

Nota: só um membro deste blogue pode publicar um comentário.