segunda-feira, 18 de março de 2013

“KAK Investiga Tan Ministru Lay”

.

Jornal Independente - Segunda, 18 Marsu 2013 

Komisaun Anti Korupsaun (KAK) investiga tan Ministru Transporte e komunikasaun Pedro Lay tanba deskonfia halo ajudikasaun direita ba projeitu taka estrada ku’ak ba kompania Estrada Bo’ot Di’ak (EBD). 

 KAK halo ona investigasaun ba dala rua hasoru Ministro Lay (Eis Ministru Infra-estrutura). Primeiru Investigasaun kona ba iregularidade no abuzu de poder, segunud investigasaun mega projeitu taka estrada ku’ak iha Dili laran tomak ba EBD iha kuartu Governu Konstitusional Aliansa Maioria Parlamentar (AMP). 

Hafoin presta deklarasaun, atual Ministru Transporte e Komunikasaun (MTK) Pedro Lay ses an husi Jornalista sira ne’ebe hein hela iha odamatan KAK nian. 

Ministru Pedro Lay to’o submete ba investigasaun durante oras rua nia laran iha edifisiu KAK hahu tuku 15:00 to’o 17:00 otl, ba ho kareta marka Governu ho numeru Polisia 03-333G. 

Antes ne’e, iha loron 20 fulan fevereiru KAK mos halo ona investigasaun hasoru Pedro Lay kona ba iregularidade no abuzu de poder ne’ebe akontese iha Ministeriu Infra-estrutura iha Governu AMP nia ukun. 

Iha primeiru Investigasaun, KAK notifika Pedro Lay hanesan testamunha ba kazu abuzu de poder iha Ministeriu Infra-estrutura antigu. Aleinde ne’e, KAK mos halo ona investigasuan ba Ministra Finansas Emilia Pires, Eis Ministru Edukasaun Joao Cancio Freitas no Governante sira seluk.
.

Sem comentários:

Publicar um comentário

Nota: só um membro deste blogue pode publicar um comentário.