quinta-feira, 21 de março de 2013

“Konkursu Publiku Projetu Governu, Mosu KKN”

,

Jornal Nacional Diario - Kinta-Feira, 21 Marsu 2013 

Deputada iha uma fukun Parlamentu Nasional (PN) husu ba Governu atu hapara Korupsaun Kolusaun no Nepotismu (KKN) iha tenderizasaun (Konkursu publiku-red) ba projeitu sira iha Timor Leste, tanba fenomena ne’ebe lao dadauk agora ne’e, emprezariu Timor oan barak forte ona kona-ba problema ne’e. 

Tuir deputada Angela Sarmento husi Bancada CNRT katak, Governu iha nia pratika Governasaun la haree ba Kompania ne’ebe mak iha kapasidade atu kaer projeitu ida ho kualidade maibe hili malu de’it. 

“Tender barak anusio tiha ona, maibe iha ona ema ne’ebe mak atu halo projeitu, ne’ebe ita dala barak halo tender para taka kurtina de’it, hau hanoin ida ne’e la dun diak ida,” katak Angela Sarmento ba Jornalista, Kuarta (20/3) iha Parlamentu Nasional. Deputada Angela afirma, realidade ne’ebe akontese, mak tende barak seidauk atu halo, maibe ema hatene ona katak, kompania ida ne’e mak atu manan. 

“Hau simu ona lamentasaun barak husi emprezariu Timor oan barak kona ba kazu ida ne’e, Tenderizasaun ne’e tenki nakloke ba ema hotu, labele haree katak, ida ne’e nia mai husi familia ida ne’e entaun tenki fob a nia mak manan, tenki mos haree ba criteria ne’ebe monta iha tenderizasaun ne’e,” dehan nia. 

Alende ne’e, deputadu Joaquim dos santos husi bancada FRETILIN mos hateten katak, lideransa iha Timor Leste ne’e, komesa lakon ona autoridade moral, tanba ne’e maka provoka konflitu iha seitor hotu-hotu. 

“Konflitu de kompetensia, konflitu interese individuais, tanba ita nia ema lubuk ida ne’ebe ita fo fiar ne’e komesa moris ho hahalok balun ne’ebe mak la monu iha povu nia laran, hanoin deit katak ida ne’e importante tamba uluk nia fo sigaru bah au fuma,” tenik Deputadu Joaquim.
.

Sem comentários:

Publicar um comentário

Nota: só um membro deste blogue pode publicar um comentário.