quarta-feira, 27 de março de 2013

“Konstrusaun Remata, Bee La Sai”

.
Em Zumalai
Jornal Independente - Kuarta-Feira, 27 Marsu 2013 

Komunidade sira husi bairu 4, Sub Distritu Zumalai, Distritu Covalima, kontinua la hetan bee moos, maske konstrusaun ba tanke bee-moos iha sira nia fatin remata ona. 

Deputadu husi Bancada CNRT, Cristovao Barros hateten, komunidade sira husi Bairu fatuk-Ahu, Raitilan, Laurite, ho Somo Knua too ohin loron seidauk hetan asesu ba bee moos. 

 Nia dehan, iha tinan kotuk konstrusaun ba bee-moos liu husi Projeitu PDD I no II ba bairu hat ne’e remata ona, maibe laiha bee atu komunidade konsume. 

“Konstrusaun remata ona maibe nia benefisiu ba povu laiha, so deit tanke ho kanu sira mak iha ne’eba no povu sira haree deit,” katak nia liu husi sesaun plenaria PN (26/3). Nia mos kestiaona katak, Ministeriu relevante ba ona halo fiskalizasaun ba konstrusaun ne’e ka la’e, tanba povu kontinua la hetan bee moos. 

Entertantu, Xefe Bancada CNRT Natalino dos Santos preokupa ba konstrusaun ne’ebe gasta orsamentu hamutuk rihun USD450. Tuir nia, iha prosesu verifikasaun dehan katak, prjeitu ne’e hotu ona, maibe realidade la fo benefisiu ba povu. 

“Bee la sai, se projeitu hanesan ne’e, tinan-tinan (akontese), ita soe osan deit, tanba ne’e tenki tau atensaun,” dehan Natalino.
,

Sem comentários:

Publicar um comentário

Nota: só um membro deste blogue pode publicar um comentário.