quinta-feira, 21 de março de 2013

“Lei Tributaria La Funsiona”

.

Jornal Nacional Diario - Kinta-Feira, 21 Marsu 2013 

Parlamentu Nasional (PN) liu husi Deputadu bancada FRETILIN, Inacio Moreira hateten katak, sasan folin agora kontinua a’as ba beibeik tanba lei tributaria ne’ebe estabelese tiha ona iha rai ida ne’e Governu la kumpri hodi funsiona. 

 Lei tributaria hahu iha FRETILIN iha tempu ne’eba halo tiha ona, maibe infelismente kuandu Governu AMP tama sobu hotu kedas sistema ne’e no sira halo revizaun konaba taxa importasaun 10% tenki hatun ba 5%. 

“Tanba ne’e sai preokupasaun ba iha Governu ida ne’e, no FRETILIN hein katak sei iha realidade ho revijaun lei tributaria ne’ebe governu AMP halo hodi fo impaktu negativu ba iha kobransa de impostu,” afirma Inacio Moreira, Kuarta (20/3) iha Parlamentu Nasional. 

Ho realidade ne’ebe iha halo sasan folin hotu sa’e, nia husu atu presiza haree no importante liu mak tenki kria sistema ida ho nia regulamentu ida forte, atu nune’e taxa hotu-hotu bele tama iha sistema ne’ebe rigroju no kontroladu. Alende ne’e, Deputadu husi bancada CNRT Mateus de Jesus mos informa katak, realidade hatudu duni katak, folin sasan ne’e kontinua aas ba beibeik kada loron. 

Nia dehan, sasan folin aas ne’e la’os lei tributaria mak fraku, maibe kontrolu ne’e mak menus, liu-liu atu halo implementasaun ba lei ida ne’e mak seidauk masimu. 

 “Kualker lei ida kuandu hetan promulgasaun ona, lei ne’e forte tebes, maibe kuandu konsiensia ne’e mai husi ema ida-idak, liu-liu membru Governu sira ho vendedores sira,” dehan Deputadu Mateus.
.

Sem comentários:

Publicar um comentário

Nota: só um membro deste blogue pode publicar um comentário.