quinta-feira, 14 de março de 2013

Maijen Lere Baruk Ko’alia CPD-RDTL “Longuinhos: Hakarak Ka Lakohi CPD-RDTL Tenki Sai Husi Fatuberlihu”

.

Jornal Timor Post - Kinta-Feira, 14 Marsu 2013 

Maijor Jeneral Falintil-Forsa Defesa Timor Leste (F-FDTL) baruk ona koalia kona ba asuntu CPD-RDTL ne’ebe hala’o atividade koperativa iha Welaluhu. 

“Hau koalia bei-beik ona kona ba CPD-RDTL, hau baruk ona tanba dala barak ona ita ko’alia bei-beik maibe nafatin de’it,” Maijor jeneral F-FDTL Lere Anan Timur ba Jornalista sira iha Palasio Prezidensial Bairo Pite hafoin sorumutu ho Xefe estadu Taur Matan Ruak, Kuarta (13/3). 

 Inkontru ne’e hanesan sorumutu rutina semana hodi informa problema seguransa inklui nesesidade forsa armada nian. “”Hau mai enkontru ho Prezidenti Republika hanesan bai-bain kada semana hau mai informa situasaun seguransa iha rai laran, inklui kondisaun forsa armada nian,” Lere hateten. 

Nia dehan, situasaun rau laran sei lao normal nafatin, la ameasa boot, kona ba Problema Portu Hera ohin loron kompania Indonesia Akraya hadia hela no agora dadaun supa rai henek ne’ebe mak fo impaktu ba portu Naval nune’e labele halo ro Naval atraka. 

Iha sorin seluk, Komandante Polisia Nasional Timor Leste (PNTL), Komisariu Longuinhos Monteiro afirma, hakarak ka lakohi grupu CPD tenki sai husi fatuberlihu, tanba tuir mandatu ne’ebe iha fo kna’ar ba PNTL iha faze ikus uza forsa. 

Longuinhos hatutan, komando destaka ona membru PNTL hamutuk 250 iha area operasaun sub Distritu fatuberlihu, Distritu Manufahi, kompozisaun membru hirak ne’e mai husi Unidade Espesial Polisia (UEP) husi Komando Distritu Manufahi, manatuto, Ainaro no Covalima. Longuinhos affirm atan katak, PNTL hala’o nia kna’ar tuir lei, maibe mos obriga ema atu tuir lei,” Rezolusaun ne’e lei ami kumpri, ami kumpri e ami mos obriga ema atu kumpri tuir lei, ida ne’e mak misaun polisia nian, se hau la halo dever ida ne’e, hau sala ona, inkuantu laiha orientasaun foun, hau nafatin ezekuta mandatu tuir lei,” Longuinhos reafirma.
.

Sem comentários:

Publicar um comentário

Nota: só um membro deste blogue pode publicar um comentário.