quarta-feira, 27 de março de 2013

“Mandatu Longuinhos Estende Tan Fulan Tolu”

.

Jornal Nasional Diario - Kuarta-Feira, 27 Marsu 2013 

Governu liu husi enkontru Konsellu Ministru iha Palasiu Governu, Dili, hasai rezolusaun ida hodi estende tan mandatu Komandante Jeral Polisia Nasional Timor Leste (PNTL), Komisariu Longuinhos Monteiro ba fulan tolu tan (Marsu-Junu 2013), hodi hein prosesu nomeasaun ba komandante Jeral foun. 

 “Ho dekreitu lei numeru 11/2009 konaba rejime promosaun nian, Konsellu Ministru aprova rejolusaun ida hodi fo tan tempu atu extende Sr. Longuinhos Monteiro nia mandatu ba fulan tolu tan, hodi prosesu ona transferensia de poderes ba iha komandante foun iha fulan Junu nia laran,” informa Sekretariu Estadu Seguransa (SES), Francisco Guterres ba Jornalista sira, iha Palacio Governu, Tersa (26/3). 

Francisco Guterres hatutan katak, durante periodu extensaun nian, governu liu husi Ministeriu Defeza i Seguransa, halo prosesu selesaun ba komandante Jeral no segundu komandante Jeral foun, para iha 27 Junu 2013, komandante Jeral tuan bele entrega kargu. 

 “Nune’e senhor Longuinhos Monteiro atual komandante Jeral PNTL agora bele entrega ona poder komandu jeral ne’e ba iha komandante jeral foun, e prosesu ne’e agora ami la’o tiha ona, ami deskute e konkorda,” dehan Francisco Guterres. 

 Konaba Komisariu Longuinhos Monteiro ne’ebe sei assume kargu Prezidenti Konsellu ba Polisia membru Comissao Paises Lingua Portuguesa (CPLP), ne’ebe nia mandatu sei remata iha Dezembru 2013, Francisco Guterres hateten, laiha impaktu tanba, pasta hanesan Konsellu Prezidenti Polisia CPLP ne’e la tenki mai husi instituisaun, tanba dehan Francisco Guterres, se de’it mak sa’e fali hanesan komandante jeral PNTL, entaun nia mak sei prezidi fali. Hata’an kona ba se mak sei troka Longuinhos Monteiro, Francisco Guterres akresenta katak, Governu sei deskute hamutuk no liu-liu Primeiru Ministru Kay Rala Xanana Gusmao, nu’udar Ministru Defesa no Seguransa, para fo opiniaun konaba ofisiais superiores PNTL nian no sei hato’o avaliasaun ba Superintendente Xefe hamutuk 11 no komisariu nain 1. 
.

Sem comentários:

Publicar um comentário

Nota: só um membro deste blogue pode publicar um comentário.