quinta-feira, 14 de março de 2013

“MP Akuza Francisco Borlaco Halo Abuzu Poder”

.

Jornal Nacional Diario - Kinta-Feira, 14 Marsu 2013 

Ministeriu Publiku (MP) entrega ona dokumentus akuzasaun hasoru Arguido Francisco da Costa Soares (Borlaco), ne’ebe deskonfia komete krime abuzu poder ho fraudia fiskal. 

MP foti akuzasaun ne’e hasoru Francisco Borlaco, tanba deskonfia komete krime hirak ne’e wainhira sei assume kna’ar nu’udar Director Jeral Ministeriu Finansas iha mandatu IV Governu Konstitusional. 

 Iha IV Governu konstitusional ne’e, Francisco Borlaco, hetan konfiansa husi nia partidu Democratiku (PD) no Primeiru Ministru (PM) Xanana Gusmao, hodi assume kna’ar ezekutivu nian nudar Sekretariu Estado Fortalesemento Institusional. 

Dokumentus akuzasaun MP nian ne’e tama ona iha Tribunal Distrital Dili (TDD) hodi hen de’it prosesu julgamentu. Informasaun husi ofisial justisa iha TDD ne’ebe JNDiario hetan, kuarta (13/3), katak, akuzasaun MP nian hasoru Francisco Borlaco tama ona iha TDD desde loron 24 fulan Janeiru 2013 ho nia numeru prosesu NUC 2488/11 PDD. Informasaun seluk mos hateten katak, kazu ida ne’e la dun boot, maibe Francisco Borlaco mos hetan nutifikasaun ba kazu bootbalun ne’ebe MP sei halo hela investigasaun profunda, krime fraudia Fiskal rasik bazeia ba artigu 314 esplika katak, (1), ema ne’ebe atu la selu ka fo fatin ba ema la selu totalmente ka parsilamente impostu taxa ka obrigasaun pekuinaria fiskal ruma ne’ebe selu ba estadu tanba (a), la deklara fatin ne’ebe fo fatin ba tributasaun ka ne’ebe presiza atu halo liqidasaun. (b), deklara faktu ne’ebe serve ka base ba tributasaun, (c) impede ho meu naran ida elementu nesesariu atu halo fiskalizasaun ka atu halo fiskalizasaun ka atu halo aktividade ka faktu ne’ebe fo fatin ba tributasaun sei hetan kastigu pena prizaun tinan 2 to’o 6. (2), kuandu kontinua divida ne’ebe seidauk selu as liu U$5.000 ajente ne’e sei hetan kastigu ho pena prizaun tinan 2 to’o 8. 
.

Sem comentários:

Publicar um comentário

Nota: só um membro deste blogue pode publicar um comentário.