sexta-feira, 15 de março de 2013

“Ohin La Sama Vizita CPD-RDTL”

.

Jornal Independente - Sesta-Feira, 15 Marsu 2013 

Vise Primeiru Ministru Fernando La Sama de Araujo, tuir planu ohin, Sesta (15/3), sei ba hasoru malu ho grupu CPD-RDTL iha Welaluhu, Sub Distritu fatuberlihu, Distritu Manufahi. 

La sama dehan, nia ba hasoru malu ho CPD hodi koalia oinsa atu bele rezolve no fo solusaun ruma ba situasaun ne’ebe dadaun ne’e akontese. 

“Hau ba Welaluhu atu koalia ho maluk CPD sira iha ne’eba, atu rezolve no fo solusaun ba situasuan ne’ebe mak mosu iha ne’eba,” dehan La sama hafoin enkontru ho Prezidenti Republika Taur matan Ruak, iha palasiu Prezidenti, horesik (14/3). 

“Sim hau aban (ohin) ba mak sei fo solusaun ba servisu ne’ebe iha, iha limitasaun ou laiha limitasaun hodi bele remata,” katak Vice PM ne’e. Kona-ba sosa produtu lokal CPD, La Sama dehan, sei tau tekniku sira ba halo fiskalizasaun ba produtu ne’e hodi bele tau osan. 

“Tekniku sira husi Ministerou Agrikultura sei ba haree, sukat, hare ne’e iha tonelada hira mak iha ne’eba, sira haree, sira mak hatene maizumenus sira ne’ebe buras ne’e bele poduz ronelada hira, ida ne’e mak enjineiru sira sei haree,” nia esplika. 

 Tekniku sira, nia informa, ohin sei ba welaluhu hodi kolabora hamutuk atu nune’e bele rezolve problema ne’e. 
.

Sem comentários:

Publicar um comentário

Nota: só um membro deste blogue pode publicar um comentário.