quarta-feira, 27 de março de 2013

Ohin, Xamada Daruak Ba Borlaco “Xanana: KAK Bolu De’it Ha’u”

.

Jornal Timor Post - Tersa-Feira, 26 Marsu 2013 

Primeiru Ministru Kay Rala Xanana Gusmao alerta ba Komisaun Anti Korupsaun (KAK) atu bolu de’it nia, relasiona ho karta xamada ba atual Sekretariu Estadu Fortelesementu Institusional, Francisco Borlaco hodi kontribui ba prosesu investigasaun. 

“Hau simu ona informasaun katak, ne’e segredu justica mas loloos KAK bolu hau, ha;u informa agora haul abele informa seluk tan, ba lalika tauk, bolu kona ba Ponte Komoro II, hau mak desidi, bolu kona ba estrada agora hadia hela klaran husi Tasi-Tolu mai to’o iha Palasiu Prezidensial no tasi ibun dehan katak tan halo nusa, hau mak responde,” PM Xanana deklara ba jornalista sira, Segunda (25/3) iha Palasiu Prezidensial Bairo-Pite, hafoin inkontru ho Prezidenti Republika Taur Matan Ruak. 

PM Xanana simu ona informasaun kona ba xamada ba nia sekretariu estadu Fortelesementu Instituisaun (SEFI), Francisco Borlaco maibe tuir kustuma dehan ne’e segredu justica no tuir loloos KAK mak tenki bolu Xefe Governu. 

Tanba ne’e, PM Xanana hateten liu tan, lakohi fo komentariu oi-oin, tanba ne’e Xefe Governu apelu ba KAK para bolu diretamente PM. “ne’ebe haul abele dehan saida-saida maibe hato’o mensazen ba KAK para bolu de’it hau, lalika perde (lakon) tempu,” PM Xanana hateten. 

Relasiona ho apelu xefe Governu, Jornalista koko atu konfirma ba KAK maibe tuir pessoal balun iha KAK hateten, Komisariu Aderito de Jesus katak iha ajenda servisu barak, tanba ne’e husu ba jornalista para ohin mak halo kobertura ba atual Sekretariu Estadu Francisco Borlaco. 

Tuir informasaun ne’ebe mak fo sai husi pesoal KAK katak, iha loron domingu ne’ebe KAK haruka tan karta ba dala rua ba Borlaco, ne’ebe mak tuir ajenda katak ohin presta deklarasaun iha KAK. 

Pedidu ne’e, Francisco Borlaco hatete, pronto kopera ho justica, tanba ne’e akuzasaun ne’ebe mak agora instituisaun justica halo hasoru nia, konsiente katak, normal sempre simu akuzasaun tanba ema ida ne’ebe mak kaer poder no osan. 

“Deklarasaun no pedidu balun ne’ebe mak sira fo, ita pronto kopera para hatan no hatan tuir buat neebe ita halo, tanba ne’e hau senti normal ba akuzasaun sira ne’e, tanba ita ema kaer osan, tanba ita iha ema balun neebe la gosta malu, nune’e ema ne’ebe la gosta mak keixa ita, ita nia dever ita tenki hata’an,” Borlaco hateten ba jornalista iha CCD eis Merkadu lama foin lalais ne’e. hanesan sidadaun, Sekretariu Estadu dehan, pronto atu kolabora, tanba ne’e iha tinan 10 iha failansu barak mak akontese, ho nune’e iha kintu Governu konstitusional, governu nia komitmentu hakarak hadia fali failansu hirak ne’e,” ukun nia risku maka ida ne’e, ita tenki ba hatan,” Borlaco dehan.
.

Sem comentários:

Publicar um comentário

Nota: só um membro deste blogue pode publicar um comentário.