segunda-feira, 18 de março de 2013

PM Xanana Gusmao “PNTL La’os Kompania Unipesoal”

.

Jornal Timor Post - Sabadu, 16 Marsu 2013 

Primeiru Ministru Xanana Gusmao nu’udar mos Ministru Defeza no Seguransa afirma, Instituisaun Polisia Nasional Timor Leste (PNTL) la’os grupu ida kompania Unipesoal ida hodi membru sira halo grupo oi-oin no la hakruk ba hirarkia instituisaun nian. 

Xanana hateten, se hahalok ne’e mak iha duni diak liu membru ne’e husu atu sai tiha husi instituisaun ne’e hodi hala’o de’it nia kna’ar hanesan ema sivil. 

“Polisia labele iha grupu A, B, no C, se mak halo grupo, diak liu sai husi polisia ba halo de’ot grupu Unipesoal,” afirma Xanana wainhira partisipa serimonia fahe sertifikadu ba membru polisia hamutuk 151, ne’ebe tuir formasaun diviza durante semana tolu iha Akademia Polisia Komoro-dili, Sesta (15/03). 

Xanana hatutan, nia pronto fo seritifkadu ba membru polisia ne’ebe baruk ona hala’o servisu iha instituisaun PNTL, no ba sira ne’ebe badinasa serviso ho diak hodi servi povu no nasaun. 

“Se ita boot sira iha paradigma katak nasaun ne’e ita hotu nian, hau fiar katak ita esforsu ida deit atu lori rai ne’e ba oin,” dehan Xanana. “Hau husu ba ita boot sira hatudu imi nia profesionalizmu, kuandu hasoru buat ruma ne’ebe halo imi duvida ou halo imi la hatene ou la kumrpiende lalika moe atu husu,” Hatutan xanana. 

Iha parte seluk komandante foun atu troka Longuinhos Monteiro sei nakaukun hela, tanba xanana rasik nu’udar Primeiru Ministru no Ministru Defeza no seguransa, seidauk koalia kona ba komandante foun ba PNTL periodu 2013-2015. Enkantu atual Komandante jeral PNTL, Komisariu Longuinhos Monteiro, nia mandatu sei hotu iha loron 27/3/2013. 

 Maske nune’e, tuir informasaun ne’ebe Timor Post asesu haktuir, iha ema nian hat ne’ebe potensial atu okupa fatin komandante Jeral PNTL, mak hanesan, Longuinhos Monteiro rasik, Mateus Fernandes, Afonso de Jesus no Julio Hornai.
.

Sem comentários:

Publicar um comentário

Nota: só um membro deste blogue pode publicar um comentário.