sexta-feira, 22 de março de 2013

“PN Konsidera Sasan Importasaun Balun Kria Moras”

.

Jornal Nacional Diario - Sesta-Feira, 22 Marsu 2013 

Reprejetante povu iha uma fukun Parlamentu Nasional (PN) fo apelu ba Governu atu kontrola sasan importasaun ne’ebe tama mai rai laran, basa sasan importasaun balun hanesan hahan kria fali moras ba populasaun kuandu konsume. 

 “Ita kuandu importa beibeik sasan mai husi rai liur, importa mos moras barak mai nasaun ida ne’e, tanba buat sira ne’e kontaminadu hotu ona, tamba sasan sira ne’e rai kleur iha jelera laran, nasaun TL nia riku soin ne’e laos minarai de’it, maibe riku mos rai ne’ebe bokur no buat seluk hanesan, animal oi-oin, ne’ebe tenki promove mos ida ne’e,” dehand eputadu Antonio Ximenes ba JNDiario kinta, (21/3) iha PN. 

Antonio afirma, maske ema barak dehan sasan ne’ebe importa husi liur ne’e hijeniku, maibe lalos, tanba sasan hirak ne’e moras barak mak tama ona iha laran. 

“Timor Leste foin mak ukun an tinan 10 no seidauk iha nia fabrika rasik, entaun buat hotu tenki importa mai husi rai liur, no ne’e mak ita nia realidade, labele ses husi ne’e,” dehan Antonio. 

 Relasiona ho problema social hirak ne’e, nia husu atu Governu pro-aktivu hodi oriente agrikultor sira para halo natar, toos no orenta iha area peskas, hakiak animal no seluk tan para hapara sasan importasaun. 

“Uluk ita nia Avo sira ne’e, kuandu han deit hahan sira ne’ebe natureza, sira nunka atu hetan moras oi-oin, maibe agora tanba ita han beibeik hahan ne’ebe mai husi rai liur, labarik kiik sira ne’ebe sei susu mos hetan ona muta ran,” tenik nia.
-

Sem comentários:

Publicar um comentário

Nota: só um membro deste blogue pode publicar um comentário.