quinta-feira, 14 de março de 2013

PNTL Komesa Aperta Movimentu CPD-RDTL “Lideransa Maximu Hasoru PR Taur”

,

Jornal Nacional Diario - Kuarta-Feira, 13 Marsu 2013 

Aktividade organizasaun Massa CPD-RDTL ne’ebe halo koperativa iha Sub Distritu Welaluhu, Distritu Manufahi durante ne’e sai alvu ba politiku sira, governantes, estadu no sosiedade iha rai ida ne’e. 

Massa CPD-RDTL mai husi Distritu 13, ne’ebe mak halibur malu iha Welaluhu, desde inisiu fulan Novembru 2012, hodi partisipa iha komemorasaun loron 100 revolusaun Dom Boa ventura, no loron proklamasaun Independensia Timor Leste, 28 Novembru 1975-28 Novembru 2012. 

Nune’e, servisu koperativa ne’ebe kontinua la’o to’o ohin loron ne’e, hetan ona intervensaun husi Governu ne’ebe hamosu rezolusaun ida, intervensaun husi F-FDTL no PNTL ne’ebe komesa aperta movimentu CPD-RDTL atu haruka sai husi fatin ne’eba (Fatuberlihu). 

Maske nune’e, iha Tersa feira (12/3) ne’e, lideransa maximu CPD-RDTL kompostu husi kordenador nasional Mario dos Reis, akompanha husi lideransa Maximu Antonio Aitahan-Matak, hasoru malu ho Xefe Estadu Taur Matan Ruak, hodi husu Prezidenti atu hapara operasaun Polisia nian ne’ebe mak blokeia katividade kooperativa CPD-RDTL iha Welaluhu Same, Manufahi. Xefi Estadu Taur Matan Ruak propoen ba CPD-RDTL atu hasoru malu ho Vice Primeiru Ministru (V-PM), Fernando La Sama de Araujo par abele koalia husi Governu nia parte, hasoru CPD-RDTL ezistensia iha Welaluhu. 

Konaba ami nia preokupasaun oras ne’e dadauk Polisia halo hela blokeia baa mi nia atividade kooperativa nasional iha Welaluhu, ho ida ne’e mak ami mai hasoru malu ho Prezidenti da Republika atu bele hapara tiha hahalok ida ne’ebe mak polisia sira halo ne’e, depois senor Prezidenti propoen hela baa mi atu hasoru malu fali ho Vice-Primeiru Ministru, ne’ebe ohin ami seidauk hetan solusaun,” dehan Koordenador Nasional CPD-RDTL, Mario dos Reis ba Jornalista sira iha palasio Prezidensial Aitarak laran, Tersa (12/3). 

Mario Soares mos haktuir katak, konaba aktividade koperativa iha Welaluhu, em prinsipiu Prezidenti Republika apoiu, tanba antes sa’e ba Prezidenti Republika, Taur Matan Ruak iha ninia kampania hato’o ona katak, isik kosar ba moris diak. 

 Ho ezistensia CPD-RDTL dezde inisiu to’o oras ne’e dadaun kontinua hetan reasaun maka’as husi governu, estudu inklui mos komunidade sira husi welaluhu, konsidera prezensa CPD-RDTL sai ameasa boot, impede aktividade komunidade sira iha Welaluhu no halo komunidade sira sente la seguru.
.

Sem comentários:

Publicar um comentário

Nota: só um membro deste blogue pode publicar um comentário.