terça-feira, 19 de março de 2013

“Prizionairu Hetan Mandatu Pasiar Iha Liur”

.

Jornal Independente - Tersa-Feira, 19 Marsu 2013 

Prizioneiru Abilio Mausoko hetan mandatu legal husi Tribunal Rekursu (TR) hodi partisipa atividades membru governu balun nian iha Distritu Likisa. 

Diretor Nasional Servisu Prizionais e de Reinsersaun Sosial, Cosme Marcal Belo rekonese katak, nia funsionariu guarda Prizional nain walu (8) lori said uni Prizionairu ida tanba hetan mandatu legal husi tribunal Rekursu, Mandatu legal ne’e husu atu akompania Prizioneiru hodi partisipa serimonia ida husi membru governu balun iha loron sabadu (16/3), iha Distritu Likisa. 

Diretor ne’e la temi detaillu kona ba data mandatu legal husi Tribunal rekursu, tipu serimonia ne’ebe mak prizioneiru partisipa no data lori sai prizioneiru ne’e. 

“Ami hetan mandatu legal husi tribunal rekursu atu lori sai prizioneiru ba partisipa serimonia id aiha Distritu Likisa hamutuk ho membru governu balun,” dehan Diretor ne’e ba INDEPENDENTE liu husi telemovel, horsehik. 

Nia rekonese, durante iha akompaniamentu husi guarda prizional sira ba prizioneiru ne’e mosu failansu (kelalaian) oituan. Guarda prizional sira hetan ona inkeretu tuir lei funsaun publiku, nia dehan, karik sira viola lei ne’ebe vigora iha TL tenki kumpri hodi responsabliza. Iha fatin hanesan, Prezidenti Komisaun B Parlamentu Nasional (PN), trata asuntu defeza no seguransa Maria M’Bessa hateten, sira seidauk simu informasaun klaru kona ba guarda prizional tula sai prizioneiru ida ba iha Distritu Likisa ho razaun la klaru no laiha konesementu. 

Tuir nia katak, atetude ne’e guarda prizional ne’e krime boot no abuzu de poder, nune’e tenki iha sansaun displinar ne’ebe todan bazeia ba rezolusaun investigasaun. “Hau sente, ne’e krime boot, tenki rejolve ho justica,” hateten M’Bessa.
.

Sem comentários:

Publicar um comentário

Nota: só um membro deste blogue pode publicar um comentário.