quinta-feira, 21 de março de 2013

Prokurador husu Jil Alves Tinan 7 Kadeia, Aban TDD Fo Sai Leitura Sentensa

.

SUARA TIMOR LOROSAE - Kuarta, 20 Marsu 2013 

DILI- Sekretariu Jeral Partidu Asosiasaun Sosial Demokrata Timorense (ASDT) Jil da Costa Alves ho Diretor Finansas Henrique Carlos iha Pardu ASDT nebe deskonfia komete krime Burla agravadu ho pekulatu agravadu, tamba halakon osan partidu kuaze 230 mil, tan ne’e prokurador kondena tinan 7 kadeia ba Jil Alves no tinan ne’en ba Henrique Carlos inkliu selu resitu osan partidu nebe seidauk selu too agora. 

Tuir Informasaun nebe fo sai husi Oficial Justisa Iha Tribunal Distrital Dili katak, Tribunal Sei fo sai leitura sentensa ba iha Arguidu Jil da Costa Alves no Arguidu Henrique Carlos nebe remata tiha ona julgamentu iha loron 28 fulan fevereiru foin lalais nee’e. 

“Ajenda nebe mak iha abab (Ohin Red) tribunal sei fo sai leitura sentensa ba kazu partidu ASDT ninian nebe remata iha tona julgamentu iha loron 28 fulan ferevereiru 2013 liu ba, “ dehan Ofisial Justisa nebe lakohi fo sai naran ba Jornalista Kuarta (20/03) iha Tribunal Distrital Dili. 

Tuir Ajenda nebe mak iha Tribunal Distrital Dili (TDD) sei lee’e leitura sentensa ba Arguidu Sekretariu Zeral Partidu Asosiasaun Sosial Demokrata Timorense (ASDT) Jil da Costa Alves ho nia Diretor Finansas Henrique Carlos iha Pardu ASDT nebe deskonfia komete krime Burla Agravadu ho pekulatu Agravadu tamba halakon osan partidu nian kuaze 230 mil. 

Informasaun kompletu iha STL Jornal no STL Web, edisaun Kinta (21/3). Timotio Gusmão 
,

Sem comentários:

Publicar um comentário

Nota: só um membro deste blogue pode publicar um comentário.