quarta-feira, 27 de março de 2013

“Prokurador Nain 3 Kandidatu Ba PJR”

.

Jornal Nasional Diario - Kuarta-Feira, 27 Marsu 2013 

Prokurador Timor oan nain tolu (3), kompostu husi Prokurador Jose Ximenes, Vicente Brito, ho Alfonso Lopes nu’udar kandidatu ba Prokurador Jeral Republika (PJR). 

 Jose Ximenes durante ne’e assume kargu nu’udar prokurador Distritu Dili, Vicente Brito Adjunto Prokurador Geral Republika, no Afonso Lopes hanesan prokurador Distritu Oecusse. 

Tuir informasaun ne’ebe JNDiario hetan husi fontes importante iha Prokurador Jeral Republika, Tersa (26/3) katak, naran prokurador nain 3 ne’e mak kompleta iha lista ne’ebe mak haruka ona ba Prezidenti Republika (PR) Taur Matan Ruak, deside tuir kompetensia nebe Prezidenti Republika iha. 

 Hili Porkurador Jeral Republika ne’e kompetensia tomak Prezidenti Republika, respeita serviso prokurador nian, tan ne’e husu ba prokurador sira apresenta lista ema nebe sira fiar iha kapasidade hodi hato’o ba Presidenti Republika. 

Naran Prokurador nain tolu ne’ebe aprezenta ne’e la signifika sira mak kandidatu forte ba PJR hodi troka Ana Pessoa Pinto, maibe Prezidenti Taur Matan Ruak, mak sei desidi atu nomea figura ruma ne’ebe mak husi kareira professional. 

 Antes ne’e, Prokurador Jose Ximenes, esklarese katak, to’o agora nia seidauk rona informasaun formal konaba nia naran ne’ebe tama iha lista kandidatu ba PJR foun. 

“Ida ne’e kmpetensia tomak Prezidenti Republika nian, bainhira loron to’o ona Prezidenti hili no publiko hotu sei hatene, hau rasik la hatene hau nia kandidatura,” Jose Ximenes esklarese. 
.

Sem comentários:

Publicar um comentário

Nota: só um membro deste blogue pode publicar um comentário.