quinta-feira, 21 de março de 2013

“SEAU Hapara Kontratu Ho ENSUL”

.

Jornal Timor Post - Kinta-Feira, 21 Marsu 2013

Governu liu husi Sekretariadu Estadu Agua, Saneamentu no Urbanizasaun (SEASU) desidi sei hapara kontratu ho kompania Ensul ne’ebe durante ne’e hadia sistema bee mos iha kapital Dili, tanba la finaliza Projeitu tuir kontratu. 

“Ami komesa servisu hamutuk ho ADB ne’ebe implementa husi kontraktor Ensul servisu atraza oituan, tuir loloos iha fulan dezembru 2012 remata ona, maibe la konsege, ne’ebe Marsu tinan ne’e bele hotu, agora ba oin ho kontraktor Ensul ami la kontinua ona, maibe ho kontraktor seluk,” hateten SEASU Elias Pereira Iha Sub Distritu Maubara, Distritu Liquisa, segunda (18/3). 

 Tuir nia katak, iha kapital Dili durante ne’e iha sistema bee mos barak mak aat, tanba hetan estraga husi komunidade, maibe governu komesa hadia ona liu husi projeitu pilotu tolu ne’ebe lao dadauk. 

Nia haktuir, olitika hahu husi tinan 2002 konsumidores bee mos tenki selu, maibe ho krize politika ne’ebe mosu, politika selu ne’e paradu, maibe iha ona hanoin atu kontinua selu, wainhira sistema ne’ebe hadia dadauk remata ona. 

SEAU informa katak, komunidade ne’ebe estraga kanu ka sistema bee mos sei hetan sensaun, tuir dekreitu lei numeru 4/2004 diploma ministerial numeru 1/2008 katak sansaun ne’ebe iha maka bele kona multa ou tama iha kadeia.
.

Sem comentários:

Publicar um comentário

Nota: só um membro deste blogue pode publicar um comentário.