quarta-feira, 27 de março de 2013

“SEPFOPE ‘Dukur’ Xineza Esplora Trabalador Feto”

.

Jornal Independente - Kuarta-Feira, 27 Marsu 2013 

Trabalador feto Timoroan ne’ebe durante ne’e servisu iha loza Xineza iha Dili laran hetan esplorasaun husi sira nia patraun. 

Fernanda de Deus ne’ebe servisu iha Loza Xineza iha area toko 88 dehan, to’o ohin loron nia simu salariu la tuir lei salariu minimu ne’ebe governu fo sai. 

 “Hau servisu iha loza 88 ne’e tinan hitu ona, maibe hau nia salariu U$75 dolar Amerikanu de’it, dala ruma patraun selu la to’o tan,” informa Fernanda, iha nia knaar fatin (26/3). 

Tan ne’e nia husu ba Sekretariu Estadu Politika Formosaun Profesional no Empregu (SEPFOPE) atu tau atensaun. Iha fatin ketak, Carla Imaculada, dehan, iha fulna hirak liu ba wainhira parte governu mai halo inspensaun ba loza ne’e, patraun tauk no hahau selu sira USD 115. 

“Patraun ne’e dehan mai katak, imi mak ba fo hatene iha governu, entaun ami tauk no nonok de’it, agora ami simu fali U$75 dolar Amerika,” tenik nia. Tan ne’e, nia sujere ba SEPFOPE atu halo inspensaun rutina ba loza Xineza sira iha sidade Dili, nune’e labele mosu esplorasaun ba trabador sira.
,

Sem comentários:

Publicar um comentário

Nota: só um membro deste blogue pode publicar um comentário.