quinta-feira, 14 de março de 2013

“Taur Husu ADN Pro-Ativu Fiskaliza Mega Projeitu”

.

Jornal Timor Post - Kuarta-Feira, 13 Marsu 2013 

Prezidenti Republika Taur Matan Ruak husu ba Azensia Dezenvolvimentu Nasional (ADN) hodi fiskaliza pro-ativu ba projeitu sira hodi garante kualidade. 

Prezidenti husu ba ami para mantein nafatin halo fiskalizasuan maka’as ba projeitu ne’ebe mak laiha kualidade no bolu atensaun ba kompania sira ne’ebe halo projeitu laiha kualidade no akomania hela deit para halo ho kualdiade,” Diretor ADN Samuel Marcal ba jornalista iha palasiu Prezidensial, Bairu-Pite, Tersa (12/3). Nia esplika, seidauk iha lei ka criteria hodi regula kompania sira maibe iha sansaun ba kompania ne’ebe abandona projeitu no halo projeitu laiha kualidade.

 “Sira ne’ebe la tuir criteria ADN sei la fo tan projeitu ba sira no labele hetan oportunidade, ami identifika iha Distritu hotu iha kompania ida to’o rua mak malandru halo sub kontrak maibe hau la relembra kompania ne’e, maibe husi ekipa distritu ita fo atensaun maka’as ba sira,” Samuel dehan. 

Ba mega Projeitu hanesan Edifisiu Komisaun Nasional Eleisoens (CNE), Komisaun Funsaun Publiku (KFP) Ministeriu Justica (MJ) no mega projeitu sira seluk tan ne’ebe mak iha kuandu tempu kontratu maka remata, projeitu seidauk hotu sei implementa penalti ba sira. 

 “Projeitu hirak nee kuandu la hotu, la ekstende tan kontratu, ita sei implementa penalty ba kompania sira,” nia informa. 
.

Sem comentários:

Publicar um comentário

Nota: só um membro deste blogue pode publicar um comentário.