quinta-feira, 21 de março de 2013

Vice PM La Sama “Membru Governu Baruk Ten Tenki Troka”

.

Jornal Nacional Diario - Kinta-Feira, 21 Marsu 2013 

Vice Primeiru Ministru (PM), Fernando La Sama de Araujo, hateten, membru governu ne’ebe serviso baruk ten no la iha kapasidade Governasaun, Primeiru Ministru Kay Rala xanana Gusmao mak iha kna’ar tomak atu bele troka. 

“Buat ida remodela ka la’e, ne’e kompetensia Primeiru Ministru nian, ida ne’e mak konstituisaun fob a nia hodi forma governu, publiku sira mos haree lae membru governu ida ne’e a’at los ona, labele serviso toba de’it iha uma, ne’e husu ba Primeiru Ministru troka tiha,” esplika Vice primeiru Ministru La Sama ba Jornalista, Kuarta (20/3) iha Hotel Timor hafoin partisipa seminario Internasional ne’ebe mak organiza husi Sekretariu Estadu Komunikasaun Sosial. 

Tuir Vice PM La sama, atu remodela governu ne’e, posiblidade iha hela, maibe ne’e depdende ba Primeiru Ministru nia desizaun. “Primeiru Ministru dehan troka membru Governu posiblidade ne’e iha hela, mas agora razaun saida mak atu troka ne’e,” afirma Vice PM La Sama.
.

Sem comentários:

Publicar um comentário

Nota: só um membro deste blogue pode publicar um comentário.