quinta-feira, 18 de abril de 2013

“Aniceto Guterres La Menta Ho Akuzasaun Advogadu Lucia Lobato”

.

Notisia Husi TVTL - Kuarta-Kalan, 17 April 2013 

Deputadu Aniceto Guterres senti nia aan sai vitima inosenti ba akuzasaun husi advogadu Lucia Lobato, hodi komete krime denogasaun de Justisa ba distribuisaun prosesu atu desidi desizaun ba Lucia Lobatu, tamba ne’e sei aprejenta keixa kona ba krime de nunsia kalinioza. 

“Senor Jose Camoes Advogadu kondenaa Senora Lucia Lobatu ninian akuza hau nu’udar deputadu, hau nu’udar deputadu halo krimi ida denegasaun justica,” dehan Aniceto Guterres. 

Relasiona ho akuzasaun husi advogadu Lucia Lobatu ne’ebe konsidera desijaun Tribunal rekursu mantein pena tinan 5 ba eis Ministra Justica Lucia Lobatu ne’ebe iha intervensaun politika no viola lei, ne’ebe deskonfia envolve Juis nacional, internacional inklui deputadu bancada Opozisaun. Hata’an ba akuzasaun ida ne’e, 

Kuarta feira ne’e iha sala bankada FRETILIN deputadu Aniceto Guterres lamenta ho akuzasaun ida ne’e tamba laiha evidensia hodi hatudu nia involvimentu iha distribuisaun ba prosesu atu desidi ba Lucia Lobatu. Tur nia, nia rasik la influensia nia kaben inklui juis sira seluk ne’ebe envolve iha juis koletivu ne’ebe halo desizaun ba kazu Lucia Lobato. 

“Dehan katak, hau halo partisipa iha alterasaun ba prosesu distribuisaun prosesu iha Tribunal, agora pregunta mak ne’e, oinsa mak hau deputadu ida, servisu iha Parlamentu Nasional, hau bele ba tama to’o Tribunal ne’eba, ba influensia ka, ba halo alterasaun ba distribuisaun prosesu iha Tribunal ninian,” deklara Aniceto. 

Iha oportunidade ne’e, Aniceto Guterres hatudu mos evidensia balun, hanesan print aut servisu movel Timor telekom (TT) kona ba envolvimentu Prezidenti Tribunal Rekursu hodi fo promesas ba arguida Lucia Lobato liu husi kontaktu telefonika. 

“Se maka iha interese liu iha kazu ne’e, ohin hau hateten ba media tomak, ba publiku Timor laran tomak, ohin hau hateten, se mak iha interese kazu senora Lucia Lobato nian ne’e, maka Juis Prezidenti Tribunal Rekursu nian, Claudio Xomenes, nia envolve direta no indereta, direta, nia halo kontakta telefonikas regularmente ho Lucia Lobato antes no depois desizaun Tribunal de Rekursu ne’e hasai,” dehan Aniceto Guterres.

 Antes ne’e, advogadu Lucia Lobatu akuza Juis Nasional ho Internasional halo krime kontra artigu 283 kodigu penal Timor Leste ba kuasaun de mazistradu no juis internasional, nasional inklui deputadu Bancada Opozisaun no krime denegasaun de Justica ne’ebe kontra ona artigu 282 kodiku penal Timor Leste.
.

Sem comentários:

Publicar um comentário

Nota: só um membro deste blogue pode publicar um comentário.