terça-feira, 23 de abril de 2013

Aniceto VS Claudio, “Aniceto Prontu Submete Ba Investigasaun”

.

Jornal Nacional Diario - Tersa-Feira, 23 Abril 2013 

Relasiona polimika publiku entre Prezidenti Tribunal Rekursu, Claudio Ximenes ho Deputadu Aniceto Guterres kona ba kazu prizioneira Lucia Lobato ne’e, deputadu Aniceto deklara pronto submete ba investigasaun. 

“Hau hakarak deklara ba iha plenerai ida ne’e katak, mesmu ke surat ruma tama mai atu husu levantamentu imunidade nudar deputadu ninian hau pronto para presta deklarasaun atu submete ba investigasaun volontariamente, hau la nesesita levantamentu imunidade,” deklara deputadu Aniceto Guterres liu husi plenraia PN segunda (22/4). 

Aniceto mos deklara katak, nia hakarak ba hatan, la presiza hasai imunidade, tanba nia parte deklara pronto volontariamente kopera ho Ministeriu Publiku ba kazu refere. 

“Hau la presiza hein levantamentu imunidade, i volontariamente hau sei koopera ho Ministeriu publiku kona ba kazu ne’e, hau hein katak iha semana ne’e parese tama ona surat mai iha Prezidenti parlamentu nasional, karik husu atu levantamentu imunidade,” koalia Aniceto. 

Nune’e Aniceto hus ba meja Parlamentu Nasional, atu wainhira karta husi Ministeriu Publiku mai, atu autoriza nia (Aniceto) presta deklarasaun ba kazu refere. 

“Sr. Prezidenti Parlamentu Nasional, se surat ruma tama husi Ministeriu Publiku iha ne’e hau husu ita boot ninia deklarasaun ida katak, Sr. Deputado Aniceto hakarak presta deklarasaun, hakarak kolabora volontariamente, la presiza levantamentu imunidade, hau presiza surat ida ne’e para lalais deit,” deklara Deputadu Aniceto. 

Antes ne’e, ba publiku, Deputadu Aniceto Guterres deklara nia parte laiha interese buat ruma iha Tribunal, maibe nia kestiaona tanba iha prosesu refere mosu jogu. 

“Hau koalia tanba hau haree sira halo jogu iha Tribunal, hau buka provas sira ne’e hotu para atu hatudu katak, jogu de interese ne’e mak ida ne’e,” Deputadu Aniceto argumenta. 
.

Sem comentários:

Publicar um comentário

Nota: só um membro deste blogue pode publicar um comentário.