sexta-feira, 26 de abril de 2013

“Arguidu Rezeita Tiru Armindu Iha Hera”

.

Jornal Independente - Sesta-Feira, 26 Abril 2013 

Ministeriu Publiku halo ona akuzasaun hasoru membru Polisia Nasional Timor Leste (PNTL) na’in rua ne’ebe deskonfia tiru estudante Universidade Dili Armindo Pereira, iha tinan 2012, iha Hera. 

Wainhira Tribunal Distrital Dili (TDD) le’e sai akuzasaun Ministeriu Publiku katak, membru PNTL arguido Agustinho da Costa Cardoso no Arguiso Mariano da Silva Antonio maka envolve tiru mate vitima Armindo Pereira Soares iha loron 16 fulan Jullu iha Hera, hafoin partidu CNRT halo transmisaun direta liu husi kanal TVTL kona ba kriasaun formasaun Governu konstitusional, iha loron 15 fulan Jullu 2012. 

 Iha momnetu ne’eba, aliende tiru vitima Armindo, iha loron 15 fulan Jullu 2012 mos kios rua hetan sunu iha Aldeia Mota Ki’ik no grupu Joventude balun taka estrada, iha loron 16 fulan Jullu 2012 Polisia dezloka fali ba Hera tanba grupu joventude kontinua taka estrada, no hakilar Polisia. 

Nune’e, Polisia tiru sa’e hodi dezolve grupu joventude ne’e, hafoin ne’e polisia buka tuir grupu joventude maka hetan Vitima Armindo pereira Soares ho nia maluk sira hein hela Mikrolet atu mai Dili, Polisia duni tuir vitima Armindo ba tama to’o Bilesa nia uma, dada hodi baku no rasta husi uma laran sai ba liur, vitima hateten ba polisia katak nia inosente, maibe polisia kontinua dada vitima hasa’e ba kareta hodi tiru kedas vitima iha parte kabun hodi rejulta vitima mate. 

 Ho kronolojia ne’e, Ministeriu Publiku akuza arguidu Agustinho da Costa Cardoso ho lei artigu 188 kona ba krime agravadu simples, krime ofensas integridade fisiku simples iha artigu 145 konjuga ho agravasaun artigu 52 husi kodigu penal Timor Leste. 

Entertantu Ministeriu Publiku akuza arguidu Mariano da Silva Antonio mak tiru matebian Armindo Pereira hodi komete krime homesidu agravadu iha iha lei artigu 138 konjuga ho 139 no mos artigu 52 husi kodigu penal Timor Leste, krime homesidu agravadu ne’e ho nia pena prizaun 5 ba leten. 

Akuzasaun hirak ne’e, Arguido Agustinho da Costa Cardoso rezeita katak, akuzasaun balun la bazeia ba realidade ne’ebe akontese. Arguido Agustinho da Costa cardoso nuudar membru PNTL ho deviza sergento hatete, matebian involve duni iha kazu konfrontu depois maka halai ba Hera, kuandu akontese tiru teus, matebian kaer fatuk iha nia liman. 

 “Entaun hau hanesan polisia hau duni hodi kaer, nia dud uses hau ne’e mak hau hakoak tiha nia atu oinsa nia bele koopera ho hau hodi lori ba polisia. Depois hau lao liu tiha minutu 15 hanesan ne’e mak hau foin rona kilat tarotu, hau la hatene se mak tiru matebian, ida ne’e hau la hatene no la haree, maibe rona deit kilat nia lian,” hateten Arguidu Agustinho da Costa ba Tribunal Dili, kinta (25/4). 

Hafoin ida ne’e nia fila ba fatin akontesementu hodi hare mak akontese, to’o ne’eba nia hetan duni vitima tau hela iha kareta karan depois sira sa’e hamutuk ho kareta ne’e hodi lori ba hospital nasional. Kazu ne’e lidera husi juiz Prezidente Antonio Helder, Juiza Jacinta Correia inklui Juiz Internasional ida husi Portugal, Arguidu nain rua hetan defeza husi defensoria publiku. 

Nune’e, sei presija rona tan deklarasaun husi testamunha balun, Tribunal desidi hodi kontinua prosesu ne’e ba tempu seluk. 
.

Sem comentários:

Publicar um comentário

Nota: só um membro deste blogue pode publicar um comentário.