quinta-feira, 18 de abril de 2013

“Claudio Ximenes Konsidera Aniceto Guterres Du’un Matak”

.

Notisia Husi TVTL - Kuarta-Kalan, 17 April 2013 

Prezidenti Tribunal Rekursu Claudio Ximenes ignora deklarasaun deputadu Aniceto Guterres. Tuir Claudio Ximenes kontaktu ne’ebe nia halo ho Lucia Lobato nu’udar kolegas no laos atu interven iha prosesa jusitica. 

Tuir mai deklarsaun husi Claudio Ximenes: “Konataktu sira ne’e kontaktu baibain ninian, laos agora fali maka halo kontaktu hodi promete ka la promete, kuandu Dr. deputadu Aniceto Guterres dehan katak, hau promete atu hasai Dra. Lucia Lobato husi kadeia, nia dun matak hau, nia dehan hanesan ne’e karik nia dun matak hau, tamba hau sai juis, kaer servisu hanesan juis tinan 30 resin ona, ha la presiza ema ruma mai hanorin hau saida maka imparsialidade? Saida mak independensia, saida mak direitu ne’ebe hau tenki tuir, hau hanesan juis, hau tenki aplika lei, hau tenki kaer hau nia servisu, tuir deit lei, tuir deit provas i tuir faktus, buat ne’ebe Dr. Aniceto dehan ne’e, ne’e dun matak, laiha rajaun ida para atu dehan katak, hau promete ba Dra. Lucia Lobato buat ruma, Dra. Lucia Lobaro mos la husu buat ida mai hau, ne’ebe hau konsidera tebe-tebes Dra. Lucia Lobato nia komportamentu to’o agora hanesan arguida, nia la halai, nia la husu buat ida mai hau ka, ba ema ruma atu halo nia sai ka, foti desizaun hodi halo nia sai, to’o agora nia husu deit atu halo justisa, sidadaun hotu-hotu, arguidu hotu-hotu iha direitu atu husu ba Tribunal atu halo justisa, Tribunal nia serviso maka ne’e, halo justisa, la’os fo desizaun nu’udar juis ida-idak ninian hakarak, laos fo desizaun tuir deit opiniaun publika jeral tamba ema hotu-hotu husu atu kondena tamba korupsaun ka, tamba omisidu ka, tamba buat ruma, tenki kondena ho baze ho faktus no julgamentu justu maka bele iha justisa, ne’ebe kona ba Dra. Lucia Lobato nia komportamentu hau konsidera tebe-tebes, i Dra, Lucia Lobato hau iha ne’e tenki rekoinese publikamente katak, Dra. Lucia Lobato hanesan Ministra da Justica halo serviso diak tebe-tebes,” deklara Claudio Ximenes.
.

Sem comentários:

Publicar um comentário

Nota: só um membro deste blogue pode publicar um comentário.