terça-feira, 30 de abril de 2013

“Deputada Josefa Konsidera Sedu Liu Implementa Miss Timor”

.

Notisia Husi TVTL - Segunda-Kalan, 29 Abril 2013 

Deputada Josefa Pereira konsidera sedu liu ba planu Ministeriu Turizmu atu hala’o Miss Timor, tamba, ne’e la’os perioridade ba nasaun Timor Leste. 

Deputada Josefa Pereira ne’ebe ka’er mos pasta hanesan Prezidenti Grupus da Muileres Parlamentar de Timor Leste (GMPTL), segunda feora ne’e iha sesaun plenaria afirma, nia apresia ho inisiativa husi Ministru turizmu atu hala’o Miss iha Timor Leste, maibe nia konsidera planu ne’e sedu liu, tamba haree ba kondisaun Turizmu ne’ebe ita iha seidauk merese atu hala’o promosaun. 

 “Kona ba Miss Timor ne’e, la’os dehan katak lakohi, maibe karik it abele prepara didiak lai ita nia oan feto sira ho kriterius ne’ebe ita bele hateten, iha estandar nasional oituan mak it abele halo Miss Timor Leste ne’e, kuandu iha Turizmu dehan ita hakarak halo promove buat ida ita mos tenki hanoin mos kona ba retornu mai iha nasaun, entaun ita gasta mais U$200.000 para ita atu iha retornu iha ita nia nasaun, entaun hau hanoin oportunidade barak para it abele promove ita nia turismu iha rai laran ne’e, ita pudia hadia uluk buat sira ne’e,” dehan Josefa Pereira. 

 Deputada ne’e mos hateten katak, orsamentu ne’ebe aloka husi Parlamentu aprova ba Ministeriu Turismu ne’e, diak liu tau perioridade ba Turismu ne’ebe iha antes hala’o Miss Timor. 

 “Orsamentu jeral do estadu nia hola osan ne’ebe? Nia tenki justifika, osa ne’e nia ba hola husi ne’ebe? Tamba nia iha mais de 3 miloens ne’ebe ke iha bense de servisu ne’ebe tenki uza durante iha tinan ida ne’e nia laran, nia iha mais de U$ 1 milaun ba transperensia publika par abele uza durante tinan 2013, maibe se nia aplika osan ida ne’e, nia mso tenki justifika osan ida ne’e ba iha ninia retornu, tamba ita haree Indnesia de’it nia ukun ankleur ona mos nia atu halo Miss Indonesia mos nia prepara kleur tebetebes, agora ita hanesan buat ida lalais demais,” deklara Josefa. 

 Planu Minisrru Turizmu atu realiza Miss Timor antes ne’e, hetan reasaun pro kontra husi estudantes, Sosieade sivil, governantes, membru Parlamentu Nasional no komunidade. 
.

Sem comentários:

Publicar um comentário

Nota: só um membro deste blogue pode publicar um comentário.