quinta-feira, 25 de abril de 2013

“Ema Rihun 3 Baukau Sofre Moras Pulmaun”

.

Jornal Independente - Kinta-Feira, 25 Abril 2013

Dadus husi ospital referral Baucau hatudu katak iha tinan 2012 to’o fulan Abril tinan ne’e ema hamutuk na’in rihun 3 mak sofre moras pulmaun (paru-paru), moras ne’e dumina tamba kauza husi sigaru. Diretor Ospital referral Distritu Baucau, Alberto Guterres hateten, moras ne’e dumina tamba kauza husi fuma sigaru no nunka halo ezersisio hodi bele hamenus nikotina iha ida-idak nia isin lolon.

 “Ita iha ne’e rejista pasiente moras paru-paru kuaze rihun 3 resin durante tinan kotuk to’o ohin loron,”Afirma Diretor ne’e iha Ministeriu Saude, Kaikoli Dili (24/4).

Ho nune’e, moras ne’ebe a’as, Alberto husu ba governu atu kontrola diakno hasae taxa importasaun sigarru no regula atividade fa’an sigaru iha rai laran.

Nia sujere mos ba Governu atu kontrola diak liu tan publisidade tipu sigaru sira ne’ebe oras ne’e dumina ona fatin publiku iha kapital Dili.

Tuir nia, Governu tenki halo promosaun liu husi Poster kona ba hahan, aifuan ne’ebe bele kura moras no kontein nutrisaun, inklui ijiene diak ba sidadaun nia saude.

 “Hau ema mediku, lakohi koalia kona ba politiku, maibe hakarak sujere deit katak, karik ita halo promosaun bas usu-been, ai-han ne’ebe diak ba ita nia saude,” nia hateten.

Iha fatin ketak, deputadu husi bancada FRETILIN, Estanislau da Silva ezizi ba parte kompotente atu regula importasaun tabaku mai TL no tenke hasae taxa ba importasaun tabaku.

 “Ita ratifika ona kovensaun internasional kona-ba kontrolu tabaku iha loron 27 Dezembru 2004, maibe ita haree agora, kapital Dili nakonu ho polisidade oin-oin kona ba sigaru deit, ida ne’e ita viola ona konvensaun ne’ebe ita rasik maka ratifika,” nia hateten.
.

Sem comentários:

Publicar um comentário

Nota: só um membro deste blogue pode publicar um comentário.