terça-feira, 9 de abril de 2013

“FRETILIN Husu PN Anula Rezultadu Phisikoteste Ba Polisia”

.

Jornal Nacional Diario - Tersa-Feira, 09 Abril 2013 

Reprezetante Povu husi bancada FRETILIN, David Diaz Ximenes, husu ba Parlamentu Nasional atu anula tiha rezultadu phisikoteste ba Policia Timor Leste nebe halao husi Phiskiater sira husi Indonesia. 

Razaun Deputadu David Diaz Ximenes, husu PN atu anula tiha prosesu ne’e tanba ema Indonesia sira ne’e husu fali pergunta ba elementu Policia sira ne’e controversial tebe-tebes. 

“Se mak mai halo phisikotest iha ne’e? Polisia Indonesia maka mai, ami husu ba prezidente promosaun, nia hateten katak, ema husi nasaun seluk lakohi mai, ne’ebe Indonesia mak mai halo,” David haktuir. 

“Pergunta ne’ebe ema Indonesia sira husu iha phisikoteste ne’e mak hanesan, uluk Indonesia sai husi Timor Leste, o iha ne’ebe? Ho halai ba Indonesia ka halai ba ai laran? No armas ilegais ne’ebe tama ne’e hira? UPF nia armas ne’e hira? Imi nia komunikasaun ne’e saida? Ba husu fali hanesan ne’e oinsa ne’e, labele,” lamenta David. 

 Ho razaun hirak ne’e mak, halo David kestiaona kona-ba promosaun Polisia nian ne’ebe ohin loron sai polimika boot ne’e, nune’e halo Polisia barak lakon iha phisiskoteste, tanba perguntas la kondis. 

David Dias mos kestiona katak, pergunta sira ne’e hanesan atu buka hatene tuir fali Timor nia logistika. 

“Ne’e lalika ema sira ne’ebe halai ba ai-laran no sira ne’ebe rejistensia nian, lakon hotu kedas iha ezame ne’e, tenki tau matan ba maluk terus nain sira ne’e, labele tanba Indonesia sai husi Timor Leste, ne’e sira halai ona ba ai laran, entaun sira labele liu,” lamenta David.
,

Sem comentários:

Publicar um comentário

Nota: só um membro deste blogue pode publicar um comentário.