segunda-feira, 8 de abril de 2013

“Governu Tenki Hasai Ema Estranjeiru”

,

Jornal Timor Post - Segunda-Feira, 08 Abril 2013 

Negosiante iha Merkadu tradisional Hali-Laran no Merkadu Taibesi kestiaona nafatin kona-ba prezensa husi ema estranjeiru ne’ebe tama no sai, liu-liu ema xina hirak ne’ebe halo negosiu. 

Abel Ribeiro, negosiante roupa hateten katak, Governu tenki regula kona-ba ema estranjeiru hirak ne’ebe sirkula no halo investimentu iha rai laran, tanba sira ninia prezensa la diak hodi fo benefisiu ba Timor oan, tanba sira mak kontrola fali merkadoria hotu iha Timor. 

“Hau hare katak, iha kapital laran, ema xina mak domina no sira mos espalla to’o iha distritu no Sub Distritu, sira aluga uma hodi fa’an sira nia sasan, no karik ita la tau atensaun ba iha problema estranjeiru nian, maka Timor-oan ninia produtu rasik sei la iha valor,” tenik Abel ba Timor Post Domingu (7/4) iha Hali-laran, Dili. 

 Tanba ne’e, negosiante Timor oan sira husu ba estadu tenki tau matan ba kestaun refere no Governu mos tenki halo regulamentu ida. Lamentasaun hanesan mos husi Maria Soares, katak negosiante xina oras ne’e nakonu fali ona iha merkadu tradisional, maske governu bandu ona. “Governu tenki mai kontrolu ema Xina sira ne’e, mai fa’an sasan ne’ebe okupa hotu,” nia preokupa.
.

Sem comentários:

Publicar um comentário

Nota: só um membro deste blogue pode publicar um comentário.