sexta-feira, 26 de abril de 2013

“IJTL Halo Keixa Hasoru Juiza Portugal”

.

Jornal Independente - Sesta-Feira, 26 Abril 2013 

Institutu Judisiariu Timor-Leste sei halo denunsia (Halo keixa) hasoru Juiza Margarida Veloso husi Portugal tanba hala’o atake hasoru Konsellu majistratura Judisial Timor Leste. 

Juiza Margarida Veloso hala’o serviso iha Timor Leste nu’udar membru konsellu Majistratura Judisial Timor Leste liu husi misaun organizasaun Nasoens Unidas iha Timor Leste hahu husi tinan 2009 to’o 2012. 

Senior Legal Advisor husi Institutu Judisiariu Timor Leste, Paulo Remedios hatete, sei halo denunsia hasoru juiza ne’e, tanba oras ne’e dadaun nia halao hela kampania iha Portugal hodi estraga imazen Konsellu Majistratura Judisial Timor Leste nian. 

Tuir nia katak, komentraiu juiza ne’e halo violasaun boot hasoru deantolojia professional nomos estadu Portugal laiha deretu konaba deantologia professional ba asuntu justisa iha Timor Leste. Nia hatutan, Juiza Portugal laiha direitu atu komentariu negativu hasoru kapasidade juiz sira iha Timor Leste. 

“Kuandu mai Timor Leste, nia tenki kumpri lei Timor Leste, lei Timor Leste la fo dalan ida ba nia hodi fo komentariu ba justisa iha Timor Leste,” hateten nia ba Independente iha Metiaut, Dili Kinta (25/4). 

Tanba ne’e nia husu ba orgaun soberania Timor Leste atu loke investigasaun foun hasoru juiza Portugal Margarida Veloso tanba oras ne’e dadaun halo hela kampania boot iha Portugal hodi estraga emagen konselu majistradu judicial Timor Leste. 

 Nia dehan, Karik Juiza Margarida iha kontrariu kona ba sistema judicial iha Timor Leste tenke submete ba orgaun soberanu, la’os ba garganta fali iha Konsellu Majistratura Judisial Portugal ne’ebe laiha liu kompetensia mai iha Justisa Timor Leste nian. 
.

Sem comentários:

Publicar um comentário

Nota: só um membro deste blogue pode publicar um comentário.