terça-feira, 23 de abril de 2013

“Juiz, TR No Advogadu Viola Deantologia Profesional”

.

Jornal Independente - Tersa-Feira, 23 Abril 2013 

Senior Legal Advisor, Paulo Remedios husi Institutu Judisiariu Timor Leste (IJTL) konsidera deklarasaun Prezidenti Tribunal Rekursu Juiz Claudio Ximenes no advogadu Prizioneira eis Ministra Justica Lucia Lobato halo violeasaun boot hasoru deantologia professional tanba lei ne’e proibidu juiz sira labele fo komentariu ba media wainhira prosesu kazu ida seidauk remata. 

Paulo Remedios esplika, ba kazu eis Ministra Justisa Lucia Lobato, Tribunal Dili maka hasai desizaun, tuir lolos Tribunal Rekursu konfirma de’it desizaun ne’ebe hasai tiha ona husi Tribunal Dili, nune’e Tribunal Dili mak responsabliza pena ba kazu Lucia Lobatu nian.

Antes ne’e, advogadu Lucia LObatu, Deputadu Aniceto Guterres ho Juiz Tribunal Rekursu akuza malu iha prosesu rekursu Hameas Corpus husi eis Ministra Justica Lucia nian. 

Husi kronolojia akuza malu iha publiku ne’e, Senior Legal Advisor, Paulo Remedios husi IJ Timor Leste dehan, juizes hotu inklui sidadaun hotu iha doreitu atu koalia, maibe juis sira laos hanesan ema normal, juiz hanesan ema ida iha pozisaun ida orgaun soberaniu. 

Iha orgaun soberanu juiz sira iha responsablidade ba sira nia deklarasaun ba publiku, lei numeru 11/2004 mak regula estatutu majistratura judicial nian ne’ebe fo direitus no deveres ba juiz sira. 

 “Tanba ne’e ital abele hasai komentariu ruma kona ba kazu ida, wainhira seidauk iha desijaun ruma, Justisa iha Timor-Leste tenki iha justisa ida independente, imparsial no konfidensia,” hateten Advogadu Paulo Remedios iha Horel California, Metiaut, Dili (22/4). 

Nia hatutan, Claudio Ximenes nuudar Uis Prezidenti nia mak hanesan fo orden, iha Timor Leste la’os nasaun ditadura, maibe nasaun demokratika, ema hotu iha direitu atu tama ba iha Tribunal, maibe tenki iha konfidensia. 

 “Advogadu mos hasai komentariu dehan, Jusita iha Timor Leste hanesan mafia justisa, ida ne’e advogadu sira hasai komentariu arbiru, tanba lei advogadu 11/2004 iha artigu 42 no 2 la fo autorizasaun atu fo komentariu arbiru ba publiku,” nia hateten. 

Nia dehan, ida ne’e koalia kona ba etikaadvogadu no deantologia professional, tanba ne’e tantu juis no advogadus inklui jornalista sira tenke iha etika antes hasai informasaun ruma ba publiku. 

Entertantu, kona ba deputadu tuir lei numeru 5/2004 artigu 3 fo diretu ba deputadu sira atu hasai komentariu kona ba kestaun iha Parlamentu, nune’e deputadu sira labele hetan responsablidade sivil no kriminal. 

Senior Legal Advisor ne’e hateten, Konsellu Superior Majistratura Judisial, la’os nudar orgaun soberania, tanba konsellu ne’e nuudar parte kiik ida husi estrutura Tribunal nian, tamba Tribunal mak nuudar orgaun soberania ida iha nasaun ida.
.

Sem comentários:

Publicar um comentário

Nota: só um membro deste blogue pode publicar um comentário.