sexta-feira, 26 de abril de 2013

KAK Bolu Domingos Caeiro: “Ta’uk Fo Deklarasaun”

.

Jornal Nacional Diario - Sesta-Feira, 26 Abril 2013 

Komisaun Anti Korupsaun (KAK), Kinta (25/4), bolu Eis Sekretariu Estadu Obras Publiku (SEOP), Domingos Caeiro, hodi ba konfirma naksalak balun ne’ebe maka akontese iha Ministeriu Obras Publiku (MOP) durante mandatu IV Governu (2007-2012). 

Domingos Caero to’o iha edifisiu KAK tuku 09:00 Otl hodi submete ba investigasaun to’o tuku 13:00, maibe, to’o iha finalidade Domingos Caeiro, lakohi fo esklaresementu ba media, tanba prosesu ne’e sei iha segredu justisa. 

 “Hau mai hanesan testamunha ba kazu ida maibe, kazu ne’e haul abele hateten sai tanba tuir regra KAK ninian hau labele temi,” esplika Domingos Caero. 

Hanesan sasin, Domingos Caeiro pronto kopera ho seitor Justisa iha Timor Leste, tan ne’e KAK halo notifikasaun atu bele fo informasaun ruma konaba buat balun ne’ebe akontese iha Ministeriu Obras Publiku nian durante mandatu Governu AMP. 

“To’o iha Tribunal hau pronto nafatin, kuandu halo investigasaun klean iha indikasaun ruma atu lori ba iha Ministeriu Publiku no mos ba iha Tribunal, hau nu’udar sidadaun pronto atu kolabora hodi hadia seitor justisa iha Timor Leste,” afirma Domingos Caeiro. 
.

Sem comentários:

Publicar um comentário

Nota: só um membro deste blogue pode publicar um comentário.