sábado, 6 de abril de 2013

“KAK Bolu Eis Ministru Saude Nelson Martins Hodi Presta Deklarasaun”

.

Notisia Husi TVTL - Sesta-Kalan, 05 April 2013 

Komisaun Anti Korupsaun (KAK) bolu eis Ministru Saude Nelson Martins hodi fo esplikasaun nu’udar sasin kona ba kazu ne’ebe akontese iha Ministeriu saude iha Priodu Governu anterior. 

Kuaze oras 3 resin, Nelson Martins marka prejensa iha Komisaun Anti Korupsaun hodi hata’an ba kestaun ne’ebe koloka husi investigadores iha komisaun. Hafoin investigasaun, Eis Ministru saude ne’e hateten, iha orientasioens balun husi komisaun atu labele fo sai ba publiku. 

“Hau mai halo presta deklarasaun no testamunha ba kazu balun e imi hatene ona hau uluk iha Ministeriu Saude hanesan Ministru, responsavel masimu iha instituisaun ne’e, iha tempu saida de’it pronto tenki mai hata’an, hau mos ohin simu informasaun katak, kuandu koalia sai, ne’e kontra lei, ne’ebe hau hanoin ne’e segredu instituisaun,” dehan Nelson. 

Segredu justica impede publika atu hatene klaru kona ba informasaun ne’ebe pasa iha Komisaun Anti Korupsaun, liu-liu iha prosesu investigasaun. 
.

Sem comentários:

Publicar um comentário

Nota: só um membro deste blogue pode publicar um comentário.