terça-feira, 9 de abril de 2013

“Kama Ne’ebe Kompania Mac’s Metal Craft Hatama, Abandonadu”

.

Jornal Nacional Diario - Tersa-Feira, 09 Abril 2013 

Parlamentu Nasional (PN), Komisaun F ne’ebe trata assuntu kona ba saude, edukasaun, Veteranus no Igualdade jeneru, iha Kinta (04/4) semana kotuk, halo fiskalizasaun ba Hospital Distritu Liquica hodi haree direktamente kondisaun Hospital ne’e ho nia progresu tomak. 

Iha Fiskalizssaun ne’e, deputadau Komisaun F konsege identifika problema ne’ebe mosu maka, kama ne’ebe hatama husi kompania Mac’s Metal Craft ne’ebe nia nain mak Ministra Financas Emilia Pires nia laen kaben mai Timor Leste ne’e, balun laiha kualidade, tamba kama ne’e balun haruk tiha ona ba Hospital Distritu Liquica, maibe prafuzu laiha hodi halo kama ne’e abandonadu hela. 

Tuir Xefi Sentru Saude Distrito Liquica, Luis Manuel Albino, katak kama ne’e foin maka haruka husi Nacional mai Liquica, maibe to’o agora kama ne’e rasik seidauk bele uriliza ba pasiente sira tanba husi nasional hateten katak, labele uza lai kama ne’e, tanba nia prafuju laiha. 

 “Kama ne’e haruka mai Hospital Luquica, maibe ami rasik mos la hatene, derepenti deit kama ne’e mosu tiha ona iha ne’e, maibe tanba haruka mai ona entaun sira mos simu deit ona, tanba oras ne’e dadaun sira rasik mos infrenta hela problema ne’e,” dehan Xefi Centro Saude Distritu Liquica ne’e ho konfuju. Hafoin haree tiha kama ne’e, Prezidenti Komisaun F Parlamentu Nasional, Virgilio Horania hateten katak, tanba kama ne’e agora mosu ona problema iha Kapital Dili entaun Governu sira tauk Distribui lalais tiha ba Distrito, maske laiha kondisaun diak. 

Hahalok husi membro governu sira hanesan ne’e, tuir Virgilio Hornai katak, ladiak no estraga rasik emajen governu nian. 

“Tanba saida mak prafuju ne’e la lori hamutuk deit ho kama ne’e mai Liquica, presiza keta-ketak fali, hau hanoin ne’e la logika ona, tanba mosu ona problema ne’e mak sira parte governu nian aloka lalais tiha mai Distrito sira ne’e, se lae rai hela iha armagen Hospital Nasional Guido Valadares (HNGV) nian ne’ebe bele problema a’at liu,” hateten Prezidenti Komisaun F ne’e, ba pesoal saude Distrito Liquica. 

Tuir observasaun Jornal Nacional Diario iha Hospital ne’e katak, iha kama hat (4) mak haruka husi Ministerio Saude ba Centri saude Liquica, maibe to’o oras ne’e dadauk soe hela deit iha baranda armagen Hospital Liguica nian, tanba deit nia prafuju seidauk iha. 
.

Sem comentários:

Publicar um comentário

Nota: só um membro deste blogue pode publicar um comentário.