quinta-feira, 18 de abril de 2013

“Korea Planeia Haruka Fila Traballador”

.

Jornal Timor Post - Kinta-Feira, 18 Abril 2013 

Embaixador Korea do Soul ba Timor-Leste, Oh Hyang Kyun deklara Governu Korea do Sul sei haruka fila Trabalador Timor-oan inklui ema estranjeiru fila ba ida-idak nia nasaun, wainhira situasaun iha Korea Grave. 

 Embaixador ne’e hateten, agora dadaun Governu Korea iha ona planu atu antisipa kona ba situasaun iha kora do soul bainhira akontese funu, sira sei evakua ema estranjeiru ne’ebe servisu iha Korea ba fatin ne’ebe seguru. 

“Ami iha planu antisipa bainhira kuandu akontese buat hotu ne’ebe ita hotu la espera, ami sei kria situasaun ida, ne’ebe seguru ba ami nia komunidade inklui mos ba ema estranjeiru sira durante ne’e hala’o servisu iha ne’eba,” deklara Oh Hyan Kyun ba jornalista sira, hafoin partisipa serimonia despedida hamutuk ho trabalador Timor-oan nain 49 ne’ebe atu desloka ba servisu iha Korea do Soul, degunda foin lalais ne’e. 

 Embaixada ne’e mos konfesa tan katak, to’o agora situasaun iha Korea sidauk iha ameasa ida ne’ebe signifikante tanba ne’e, nia husu ba Diplomata sira inklui sidadaun estranjoiru ne’ebe servisu iha Korea do Sul atu labele sai, tanba Korea do Sul konsidera ameasa husi Korea do Norte nudar ameasa phisikologia no sei la akontese funu. “foin dadauk Governu Korea do Soul bolu Diplomata sira inklui komunidade internasional sira hodi fo atensaun katak, oras ne’e dadauk ema hotu iha Korea hala’o serviso hanesan baibain,” dehan Oh Hyang Kyun. 

Iha fatin hanesan, Sekretariu Estadu Politika Formasaun Profesional Empregu (SEPFOPE), Ilidio Ximenes da Costa hateten, durante ne’e SEPFOPE iha relasaun diplomatika ne’ebe diak ho Korea do Sul no sempre iha informasaun kona-ba situasaun iha rai refere liu husi Adidu SEPFOPE. 
.

Sem comentários:

Publicar um comentário

Nota: só um membro deste blogue pode publicar um comentário.