terça-feira, 23 de abril de 2013

Krize Aimoruk; “Loron Ida Ema Nain Tolu Mate Iha HNGV”

,

Jornal Nacional Diario - Tersa-Feira, 23 Abril 2013 

Parlamentu Nasional sei bolu Ministru Saude atu ba esplika sistema jestaun no ezekusaun Orsamentu Jeral Estadu tamba iha Hospital Nasional Guido Valadares (HNGV) krize aimoruk nebe pasiente loron ida nain 3 mate dala ida. 

“Hau foin simu SMS husi Enfermeiru dira iha Hospital Nasional Guido valadares (HNGV) katak, Oxigem iha ne’eba laiha, aimoruk tensaun alta laiha, nune’e pasiente ne’ebe mak hala’o tratamentu iha HNGV loron ida ema nain 3 mate dala ida,” Deputadu Francisco Branco husi Bancada FRETILIN iha plenaria segunda (22/4). 

Deputadu Bancada FRETILIN, Francisco Branco mos hateten tan katak, Parlamentu sei bolu urjenti Ministru Saude, Sergio Lobo atu esplika jestaun Hospital Nasional nian tamba ne’e halimar ema ni vida. Aliende ne’e, 

Deputadu Virgilio Honai husi Bancada PD mso kestiaona katak, problema saude sai preokupasaun bo’ot tanba iha Hospital Distrital sira laiha kareta ambulancia no laiha mina, ne’e fo impaktu boot ba komunidade sira ne’ebe mak hela iha area rural sira, tanba ne’e relasiona ho ema nia vida. 

Nune’e, pedidu depuadu parlamentu Nasional sira nia preokupasaun ne’e, bolu urjenti Ministeriu Saude ba Parlamentu nasional atu esplika jestaun Hospital nian ne’e. 

Ba kestaun ne’e, Sekretariu Estadu Asuntu Parlamentar, Terezinha Viegas husu ba membru Parlamentu atu hato’o rekerementu ba debate urjensia. 

Nota: Num dia morreram três pessoas no Hospital Nacional Guido Valadares, porque não existiam medicamentos para as tratar. Que estranho... E têm 200 mil dólares que pertencem ao povo, para gastarem para o concurso da Miss Timor com falsas timorenses? Genocídio do povo timorense, é o que estamos prestes a assistir!  
ASSASSINOS!

Sem comentários:

Publicar um comentário

Nota: só um membro deste blogue pode publicar um comentário.