sexta-feira, 26 de abril de 2013

“LH Husu Governu Esplika Kategoria Miss Timor Leste”

.
Joãozito Viana
Jornal Nacional Diario - Sesta-Feira, 26 Abril 2013

General manager Luta Hamutuk (LH), Joaozito Viana husu ba Governu, liu husi Ministeriu Turizmu atu esplika klareza ba publiku kona-ba kategoria Miss Timor Leste nian. 

“Ministeriu Turismu halo eventu ne’e la eslika klaru Miss TL ne’e atu sai duta turis ka duta kultura, tanba atu sai Miss Timor ne’e presiza ema intelektual laos bonita no sexi de’it. Intelektualidade feto foin sa’e presiza liu husi seleksaun, kuandu hetan ida mak diak no intelek, Timor sorte, kandu la iha ka la hetan, soe osan de’it,” dehan Joaozito Viana ba JNDiario, Kinta (25/4) Farol, Dili hodi preokupa planu Ministeriu Turismu nian ba Miss Timor Leste ne’e.

Tuir loloos halo eventu Miss Timor Leste ne’e tenki hari eskola mode no hadia edukasaun iha rai laran lai, laos arbiru tun sa’e de’it. “Harii eskola mode, hospitalidade, hadia fasilidade turismo no kultura noa hadia infraestrutura sira, eventu miss ne’e so halo atividade social no kemanusiaan (Humanismo).

Kuandu fasilidade no infraestrutura turismu diak, bele fo rendimentu ba reseitas estadu, liu-liu saida mak turista hakarak ou interese atu mai Timor,” dehan nia.

 Luta Hamutuk mos la konkorda eventu Miss Timor ne’e, tanba haree ba sori-sorin povu sei moris kiak hela ba infraestrutura hanesan, estrada, be mos, ponte, edukasaun, saude, ekonomia ne’ebe lao laiha no marka pasu hela, maibe governu preokupa liu ho eventu Miss Timor.

Joaozito Viana dehan, nusa la uza osan U$200 mil ne’e hodi hadia nesesidade povu nian. Joaozito komenta katak, Timor nia Turizmu tenke diferenti ho nasaun sira seluk iha reizaun Asiatiku ne’e, tanba agora ne’e Timor Leste barak liu Cpy-paste tun sa’e de’it.

Nune’e mos Diretur Asosiasaun Hak Rogerio Viegas Vicente hatete, sira iha direitu ba ida ne’e, maibe Tuir Rogerio, diak liu Ministeriu Turizmu uza osan ne’e hadia fatin Turizmu no kultura Timor Leste nian ne’ebe sei abandona, nune’e bele foti imazen Timor Leste nian ba mundu tomak.

Bainhira JNDiario konfirma asuntu ne’e ba Redi Feto atu husu sira nia hanoin kona ba eventu ne’e, maibe sira la fo komentariu hodi fo razaun okupadu.
.

Sem comentários:

Publicar um comentário

Nota: só um membro deste blogue pode publicar um comentário.