terça-feira, 23 de abril de 2013

“Lucia Sei Keixa Aniceto Guterres”

.

Jornal Timor Post - Tersa-Feira, 23 Abril 2013 

Advogadu Jose Pedro Camoes hateten, sei keixa deklarasaun deputadu Aniceto Guterres ne’ebe fo sai lista telefonika entre ninia kliente prizioneira Lucia Lobato ho Prezidenti Tribunal Rekursu tanba konsidera hanesan defamasaun no la-loos. 

 Ba Jornalista sira bainhira partisipa tomada de posse prokurador Distrital de Dili iha Vila-Verde, Dili, Segunda (22/4), Camoes dehan, Keixa krime ne’ebe Lucia Lobatu Prepara hasoru sidadaun Aniceto Guterres tuir buat ne’ebe hatuur ona iha artigu 187 Kodigu penal, ne’ebe koalia kona ba violasaun ba korrespondensia ka telekomunikasaun iha Versiklu, 1, 2, 3, 4, no 5. Jose Pedro Camoes informa katak, ninia kliente Lucia fo esklaresementu ba Tribunal bainhira presiza no simu desizaun atu fo sai ba publiku liu husi dalan legal kona ba rejistu Xamada telefonika. 

Camoes dehan, Lucia Lobato sente triste ho deklarasaun ne’ebe hato’o ba publiku, tanba konsidera aproveita situasaun proporsional no partidaria hodi fo preparasaun ba publiku nia opiniaun hodi desvia atensaun husi realidade ne’ebe loloos. 

 Turi Advodago ne’e, hahalok hanesan ne’e la dignifika instituisaun justisa, Lucia LObatu nuudar eis titular ne’ebe kaer pasta iha justisa nian hato’o nafatin nia konfiansa ba instituisaun sira iha nasaun ne’e husi xefe estadu to’o Tribunal sira no garante sidadaun hotu atu defende an ba prosesu krimi. 

“Ami apela ba komunikasaun social atu labele husik-an ba manipulasaun liu husi intervensaun voatus, hodi hases tiha publiku nian opiniaun husi asuntu ne’ebe esensial no faktu katak, juis internasional ida servisu iha Dili konfesa ona husi email, ilegalidade oi-oin iha prosesu Lucia Lobato nian,” advogadu ne’e afirma. 
.

Sem comentários:

Publicar um comentário

Nota: só um membro deste blogue pode publicar um comentário.