quarta-feira, 24 de abril de 2013

“Miss TL 2013 La Koresponde ho Realidade”

,

Jornal Independente - Kuarta-Feira, 24 Abril 2013

Reprezetante povu iha uma fukun Parlamentu Nasional (PN) kestiaona maka’as implementasaun Miss Timor-Leste 2013 la koresponde ho realidade kondisaun infra-estrutura turismu no moris povo ne’ebe sei infrenta kiak no mukit.

Deputadu husi Partidu Demokratiku (PD), Jacinta Morais konsidera planu modernu ne’e la importante ba Timor-Leste, tanba povu Timor Leste sei mukit hamlaha.

“Hau sujere ba sira katak, importante liu maka kria uluk kondisaun, se laiha kondisaun, planu sei la hetan susesu, tanba ita mos hatene katak, miss ne’e mos tenke investe osan ne’ebe boot, diak liu osan U$200 mileons ne’e, kria planu seluk,” tenik nia.

Aliende ne’e, nia mos husu ba Ministru Turizmu no Kultura tenki kria uluk kondisaun infraestrutura baziku turismu nian, molok implementa miss Timor-Leste ne’e.

Miss Timor leste 2013 ne’e realiza husi Ministeriu Turizmu no Kultura, ne’ebe gasta orsamentu estadu 2013 hamutuk millaun U$200. Deputadu husi bancada FRETILIN, Aurelio Freitas hateten, Ministeriu Turismu atu implementa miss TL ne’e laiha planu adekuadu hanesan hakfodak de’it.

Tanba, tuir nia katak, realidade kondisaun infra-estrutura baziku turismu nian balun sei abandona hela no balun seidauk preparadu.

“Nusa maka la kria programa seluk, programa maka laiha ka halo nusa?,” dehan deputadu FRETILIN iha PN (23/4).

Nia hatutan,” hau nia preokupasaun maka ne’e, ho orsamentu U$200 miloens ne’e ba implementasaun miss TL, benefisiu iha ka lae, se laiha benefisiu kria planu ne’e para halo saida,” esplika nia.

Entertantu, deklarasaun hanesan mos husi Deputadua Bancada CNRT, Bendito Magno katak, Timor Leste seidauk prepara kondisaun atu implementa programa ne’e. Tanba, TL rasik seidauk prepara fatin turismu liu husi promosaun feto miss TL, nia dehan tan, programa ne’e bele hala’o bainhira kondisaun onfra-estrutura turismu sufisiente ona.

“Hau nia tauk mak ne’e, ita kuandu implementa ona mis TL ne’e, Miss internasional sira mos hakarak hamaluk mos ho miss TL, agora mai mak ita nia kondisaun turismu la premiti, ema dehan saida ba ita,” nia duvida.

Nune’e, ba kestaun ne’e, Ministru Turizmu no KUltura Francisco Kalbuadi Lay lakohi fo komentariu.

 Krize Aimoruk; “Loron Ida Ema Nain Tolu Mate Iha HNGV”
.

Sem comentários:

Publicar um comentário

Nota: só um membro deste blogue pode publicar um comentário.