terça-feira, 30 de abril de 2013

“Mobiliza Massa Hapara “Miss Timor”!!!”

.
Milena Pires

Jornal Timor Post - Tersa-Feira, 30 Abril 2013 

Organizasaun Naun Govermentais 13 ameasa mobiliza massa hodi hapara eventu Miss Timor, kuandu Ministeriu Turizmu (MT) ne’ebe xefia husi Francisco Kalbuadi Lay kontinua realiza eventu ne’e. 

Entertantu, membru Convention of All Forms of Discrimination against Women (CEDAW) Milena Pires hateten, Miss Timor la integra iha planu atu promove turizmu iha rai laran. 

“Hau preokupa ho programa Miss Timor la integra didiak ba iha planu atu promove turizmu rasik, keta ita hatudu fali mensazen ida la pozitivu ba ita, hau hanoin kestaun ida ne’e presiza deskute didiak,” Milena ba Jornalista sira iha palasiu Prezidenti Bairopite, Segunda (29/4) bainhira husu nia hanoin kona ba Miss Timor. 

 “Hau preokupa ho programa ida ne’e, se ita haree ba rai sira seluk, problematiku ida bolu naran turizmu bazeia ba seksu, it abele haree iha ita nia reizaun azia, kestaun ida ne’e sai problematiku,” Milena hatutan. 

Nia dehan, Miss Timor ne’ebe propoin husi Miniteriu Turizmu hatene ona ninia vantazen no saida mak sei lori husi Miss Timor ne’e ba povu Timor rasik. Milena informa, relatoriu husi nasaun seluk ne’ebe hetan diskuti no analiza iha komite CEDAW laiha relatoriu ida ne’ebe koalia kona ba Miss Timor no Miss saida de’it, maibe deskuti deit saida mak bele fo impaktu. 

“Hau bele dehan ba ita katak, tuir relatoriu rai seluk ne’ebe ami analiza iha komite CEDAW, ami la deskute kestoens Miss Timor, Miss Universi ka Miss sira seluk, maibe ami deskute saida mak bele sai impaktu ka rezultadu politika ne’ebe la lao diak no la difini diak,” reprejetante feto TL ba komite CRDAW ne’e hatutan. 

Nune’e, ONG sira ne’ebe la konkorda Miss Timor mak hanesan Pradet, Fokupers, Ajar, Hak, Alfela, Acbit, Lao Hamutuk, GFFTL, Caucus, Hasatil, Haburas, Foundation, Foram. 

“Se ministeriu Turizmu kontinua ulun to’os hala’o eventu Miss Timor-Leste, ami sei mobiliza massa hala’o asaun kontra eventu ne’e,” deklara Porta Vos anti Miss Timor-Leste Maria Jose Guterres iha konferensia imprensa ne’ebe hala’o iha knu’a Fokupers Farol, Segunda (29/4). 

Tanba tuir nia,”Situasaun oras ne’e seidauk permiti atu implementa, sa tan uza orsamentu estadu. Maria mos hateten tan katak, organizasaun sira ne’ebe servisu luta ba Direitu feto hodi halibur-an iha komite anti Miss Timor senti hakfodak ho programa ne’e. “Ami hakfodak tanba situasaun Timor Leste ne’ebe sei eziste problema barak ba direitu feto, no sira merese atensaun prioridade husi estadu Timor Leste hanesan problema violensia domestika aumenta ba beibeik, problema ekonomia feto sira iha area rural, problema edukasaun feto sira no mos trafiku no exploitasaun feto sira,” Maria hateten tan. 

Nune’e mos, Marciana Goncalves hanesan feto Timor preokupa ho aktividade Miss Timor ne’e. 

“Hanesan Timor hau la konkorda ho politika Ministru Turizmu ne’e tanba agora kondisaun seidauk premiti, tan ne’e propoin atu hadia uluk fatin Turizmu no puzada iha ne’ebe nia infraestrutura oras ne’e sei abandona hela,” Marciana hateten bainhira dada lia ho Timor Post iha Suku talitu, Domingu (28/4). 

Tuir nia, Ministeriu Turizmu lolos tau perioridade uluk ba projeitu fiziku iha area Turizmu. “Kestaun agora Ministru Turizmu foti ona dadus fatin Turizmu hirak ne’e ou seidauk, ida ne’e maka sai perguntas, tanba ne’e hanesan feto hau kontra ho eventu Miss Timor tanba TL seidauk to’o tempu atu realiza,” Marciana komenta.

.

Sem comentários:

Publicar um comentário

Nota: só um membro deste blogue pode publicar um comentário.