quarta-feira, 3 de abril de 2013

“Orsamentu Ba Projetu Master Plan U$1.300 Billioens”

.

Jornal Nacional Diario - Kuarta-Feira, 03 Abril 2013 

Eis Primeiru Ministru (PM) Dr. Mari Alkatiri halo konsulta ho Prezidenti da Republika (PR), Taur Matan Ruak kona ba Master Plan ba projetu harii Zona Ekonomia social no merkadu iha Distritu Oecusse. Orsamentu ba Projeitu ne’ebe refere gamutuk U$1.300 billoens gusi Estado Timor Leste, nune’e mos husi investimentu privadu ne’ebe mak sei mai kuaze U$2.6 billoens. 

“Orsamentu ba investimentu ba Estado Timor nian U$1.300 billoens, privadu ninian 2.5 ou 2.6 billoens de dollar ne’e investimentu privadu ke bele dehan iha rai Timor atu mai bo’ot liu ne’e mak ida ne’e, husi nasaun oioin, nasaun CPLP, mai husi Indonesia hau sei ba to’o iha Indonesia, mai husu Malaysia, Singapura, mai husi nasaun oi-oin,” informa eis PM Dr. 

Mari Alkatiri ba Jornalista Tersa (2/4) iha Palacio Prezidensial Bauro-Pite, Dili, hafoin aprejenta projeitu Master Plan ba Prezidenti da Republika, Taur Matan Ruak. Alkatiri hateten, Xefe Estado fo ninia apoiu tomak ba projeitu ne’ebe refere, ne’ebe inisiativa husi nivel a’as to’o kraik i projeitu ne’e sei lori dezenvolvimentu Timor Leste avansa liu tamba sei dada investor sira mai investe iha Timor Leste. 

“Fo apoiu kompletu total, ne’e bele dehan inisiativa ida mai husi leten mai kraik, hotu-hotu fo apoiu husi leten, tanba ne’e mak hau mos halo,” koalia Mari. Iha sorumutu ne’e, eis PM Mari Alkatiri rona ideas Xefe Estado, Taur Matan Ruak, tantu iha segunda feira (1/4) aprzenta mos projeitu refere ba Primeiru Ministru Kay Rala Xanana Gusmao, tuir planu sei aprejenta mos ba autoridade relijioza balun, membru governu balun hodi halo diskusaun hodi rona ideas ba implementasaun master Plan, hafoin ne’e komboka seminario internasional ho parseiro dezenvolvimento sira balu hodi tau hamutuk ideias no buka ideias foun. 

Nia haktuir, sei halo estudu ba impaktu social, kultura no impaktu ekonomiku antes tama ba fulan Dezembru hodi haree ninia impaktu para labele sai negativu iha projeitu refere. 

“Estudu impaktu social, impaktu kultura, impaktu ekonomiku tenki halo antes dezembro, para ita tenki halo jestaun didiak para impkatu sira ne’e labele sai negativu fali oituan ba populasaun oecusse, para populasaun oecusse tenki akompania prosesu ida ne’e i tenki tama iha prosesu ida ne’e,” Alkatiri afirma. 

Eis Primeiru Ministru iha Primeiru Governu Konstitusional ne’e haktuir liu tan katak, projeitu refere sei implementa iha tinan 2014, entertantu husi projeitu ne’e maka atu harii sidade foun iha pantai makasar. 

“Pontus konkretu mak atu harii sidade foun ida iha pantai makasar, sidade ida ke primeiru faze, segundu, terseiru faze hamutuk bele lori populasaun 30 mil abitantes, i depois ne’e signifika sentru bolu dezenvolvimentu ida ke sei fo oportunidade ba populasaun Oecusse atu hadia tan sira nia serviso oioin, loke eskola formasaun professional, loke eskola oioin para populasaun oekusse mos mak bele duni loke eskola ne’e para populasaun Timor balun mos bele to’o iha ne’eba,” sublinha Alkatiri. 

Nia dehan, sei loke eskola formasaun professional oioin, harii Universidade, no mos harii Ospital ho kualidade hanesan Hospital iha rai Singapura nian. 

Alkatiri haktuir, projeitu pilotu ba harii Master Plan ne’e sei hahu husi Distritu Oecusse depois mak sei alarga ba Distritu sira seluk iha Timor Leste. Eis Primeiru Ministru ne’e haktuir, sekuandu Master Plan lao tiha ona, dezenvolvimentu Timor Leste sei diak liu especialmente Pante Makasar, tanba ne’e presiza duni servisu maka’as no kolaborasaun Estado, Governu, Parlamentu Nasional no Sosiedade tomak. Alkatiri akresenta, harii tiha ona ekipa internasional, tanba ne’e sei harii mos ekipa nasional Timor Leste ninian atu servisu hamutuk. 
.

Sem comentários:

Publicar um comentário

Nota: só um membro deste blogue pode publicar um comentário.