terça-feira, 9 de abril de 2013

Pagamentu Tarde “Hahan Ba F-FDTL-HNGV Laiha Nutrisaun”

.

Jornal Independente - Tersa-Feira, 09 Abril 2013 

Komapnia Caimaleloque, ne’ebe durante ne’e fornese hahan ba Instituisaun FALINTIL-Forca Defesa Timor Leste (F-FDTL) no Hospital Nasional Guido valadares (HNGV) preokupa tanba fulan 5 ona Governu seidauk halo pagamentu ba sira. 

 Prosesu pagamentu ne’ebe tarde fo impaktu ba kompania, osan laiha atu distribui hahan ba instituisaun rua ne’e, no hahan ne’ebe kompania distribui barak mak la diak ona. 

Tuir kontratu ne’ebe Governu halo ho kompania katak, semana rua kada fulan SED no MS tenke halo pagamentu ba hahan ne’ebe kompania Caimaleloque fornese ba F-FDTL ho pasiente iha HNGV, maibe agora fulan lima ona, parte SED no ME seidauk selu. 

“Ami nia kompania mak durante ne’e fornese hahan ba F-FDTL no pasiente sira iha HNGV, ami fornese hahan ba F-FDTL desde Novembru 2012 agora fulan 6,” informa diretor kompania Caimaleluque Rui Castro ba Jornalista iha nia servisu fatin Bidau, Dili (5/4). 

Rui hateten, prosesu iha SED no MS kona-ba pagamentu ba hahan ne’ebe kompania Caimaloque fornese hanesan kuda talin naruk, lolos atu simplesista atu ajuda ema maibe prejudika ema nia vida. 

Atu buka solusaun ba problema ne’e, Rui hateten, komapania refere haruka ona karta ba prezidenti da Republika, Ministra Financas, Primeiru Ministru, SED no MS maibe sira hateten sei iha prosesu nia laran. Rui hatutan, semana oin mak situasuan ne’e kontinua lao hanesan ne’e, kuzineiru sira sei halo greve, tanba kompania laiha osan atu selu sira, tanba total kuzineirus 200 resin, 100 resin tein ba F-FDTL no 100 resin tein ba pasiente iha HNGV. 

 To’o Notisia ne’e hatuun, diario ne’e seidauk hetan konfirmasaun husi parte Governu, liu-liu Sekretariu Estadu Defesa (SED) no Ministeriu Saude (MS).
.

Sem comentários:

Publicar um comentário

Nota: só um membro deste blogue pode publicar um comentário.