quinta-feira, 25 de abril de 2013

Pasiente Halerik Ba Ambulansia: “MS Sosa Motorizada”

.

Jornal Nacional Diario - Kinta-Feira, 25 Abril 2013 

Deputada Bancada FRETILIN, Josefa Pereira konsidera Ministru Saude (MS) Sergio Lobo laiha planu ida ne’ebe konsisten, tanba pasiente sira iha Distritu no Sub Distritu to’o Suku, halerik ba ambulansia, maibe Ministru Sergio Lobo, kansela tiha orsamentu do Estadu (OJE), ne’ebe aloka atu sosa ambulansia, ba sosa fali motorizada. 

Pior liu, Deputada Josefa Pereira informa, sosa fali motorizada ho marka bebek, hodi fasilita mediku sira, ne’e la dun diak. Tanba kondisaun estrada iha territoriu ne’e la dun diak, entaun sei difikluta nafatin medikus no fo impaktu nafatin mos ba pasiente sira, iha suku no Aldeia ne’ebe difisil tebe-tebes atu asesu ba sentru saude. 

Tuir loloos, katak deputada Josefa Pereira, orsamentu ne’ebe aloka ba ambulansia ne’e tuir duni nesesidade, tanba atu fasilita no tula pasientes urjensia ruma husi suku, aldeia, subdistritu no distritu mai iha Hospital Referal. Maibe planu sistema jestaun Ministra Saude nian ne’e, hateten Josefa Pereira, lori osan ne’e ba hola fali motorizada. 

“Ministru Saude Sergio Lobo kansela item osan atu ba sosa ambulansia hodi ba sosa fali motorizada, ida ne’e hatudu katak, Ministeriu saude rasik laiha planu ne’ebe diak ho fiksuwainhira bah usu orsamentu,” hateten Deputada Josefa Pereira ba Jornalista iha uma fukun PN kuarta (24/4). 

 “Ita haree iha Distritu ba to’o iha suku ambulansia laiha, nune’e prejudika tebe-tebes atu fasilita transferensia moras hodi mai hospital referral sira, liu-liu iha Dili no Baucau. 

Depuatada ne’e dehan tan katak, pasiente balun la konsege lori mai Hospital no mate deit iha uma, tanba difikuldade ba transporte, liu-liu kareta ambulansia. 

Nia hatutan, lei premite atu halo transferensia maibe tenki ho kategoria hanesan inklui bens de servisu bele halo transferensia husi item ida ba item seluk, 

Maibe nia dehan, wainhira mai hsu PN dehan katak atu ba hola pransporte ambuklansia hodi fasilita tula moras iha Distritu no Sub Distritu, maibe ba fali hola motorizada, ne’e hatudu katak MS rasik laiha planu ida ne’ebe diak ou loos.
.

Sem comentários:

Publicar um comentário

Nota: só um membro deste blogue pode publicar um comentário.