segunda-feira, 22 de abril de 2013

Pedidu Intervensaun Gabinete Presidente Relasiona ho Gastus Orsamentu 200 Mil dolares Amaricano ba Eventu Miss Timor

.

Hato ba : Ex.mo Sr. Taur Matan Ruak, Presidente da Republica RDTL

Asuntu : Pedidu Intervensaun Gabinete Presidente Relasiona ho Gastus Orsamentu 200 Mil dolares Amaricano ba Eventu Miss Timor Nebe Organiza hosi Minsteriu Turismo ho Secretario de Estadu da Cultura.

Ho respeitu;

Hau atan oan hato’o comprimentus ba Ex.mo lori kolega hotu nebe mak durante lorong 2 nia laran halo kampanha ho esforsu tomak atraves hosi media comunicsaun social (Facebook) relasiona ho asuntu iha leten. Iha campanha ne’e kolegas 100 resin mak fo comentarius, sugestauns, kritikas ba eventu refere. Hosi acumulasaun ideas no informasaun hotu nebe hau atan colecta, to ikus ami halo conclusaun ida katak eventu nebe mak Ministeriu Turismo hala’o diak liu cancela, tamba laiha impactu positivu direta ou indireta ba desenvolvimentu turismo iha Timor-Leste. Tuir lolos orsamentu 200 mil nebe iha, aloka ba nececidade povu nebe agora hamrok no hamlaha ba educasaun, dame, paz no fasiliadae basico laos fo benefisiu grupu elitu sira. Ho rasaun iha leten ami hato’o pedidu ba Ex.mo Presidente para halo intervensaun iha eventu refere hodi salva osan povu nian. Solusaun teknico nebe ami sugere hodi utilisa orsamente 200 mil ne’e hanesan tuir mai;

1. Turismo nudar sector productivu segundu nebe sai prioridade ba desenvolvimentu nasional hodi rekopera roda economico depois de Mina remata. Tuir lolos Ministeriu agora stabelese ona:

- Grupu trabalhu teknicu halo pesquisa Integradu nasional ba iha area nebe identificadu nudar zona Industria turimo inclui Lospalos, Baucau, Dili, maliana no sector soul nian.

- Suporta sector educasaun nebe iha relasaun ho industria Turimo porsemplu; bolsa estudus, centro treinamentu profisionais, universidades no sociadade civil nebe iha ona inisiativu ba area ida ne.

- Hala’o pesquisa competisaun mercado ho ita nia competitor destinasaun turismo hanesan Bali, singapura no Australia.

- Halo campanha socializsaun ba sociadade kona ba impactu social e economico desenvolvimentu industria Turismo. Hori nune povu labele hakfodak ho mudansa ruma nebe mosu iha futuru wanhira industria ne’e desenvolve ona.

2. Alokasaun orsamentu ba eventu refere boot tebes. Tuir estimasaun karik eventu ne’e maximu gastus 15 mil dolares hosi parte governu i gastus seluk bele buka sponshorship.

3. Eventu refere laiha benefesiu economico ou bele dehan ita seo osan ba tasi klean, tamba laiha estudu klean kona retornu investimentu ne’e.

Ne maka ami nia pedidu ba Ex.mo Presidente. Fiar katak ex.mo iha laran kmanek hodi foti asuntu ne’e iha nivel politico. Obrigado e hakoak bo’ot ba Exmo.

Dili 21 de Abril 2013

NB. Informasaun klean favor hare discusaun iha facebook  pagina grupu; Emerging Leadership in Democracy.

Nota do blogue: Excelentíssimo Senhor Presidente da República,
Com humildade e muito respeito, eu me junto aos protestos e peço-lhe encarecidamente que pare o uso do dinheiro dos timorenses para este evento - "Miss Timor". Ainda não é altura para estas brincadeiras, não, enquanto o nosso povo passa fome e tem falta de tudo. Acreditando que Vossa Excelência é dos poucos homens de bem que restam em Timor-Leste, eu imploro-lhe que proteja o dinheiro que pertence a todos os timorenses e não apenas a meia dúzia de indivíduos. Fica a minha esperança de que o bom senso e a moralidade imperem. Muito agradecida. Lisa
.

Sem comentários:

Publicar um comentário

Nota: só um membro deste blogue pode publicar um comentário.